एप्पलको फोल्डेबल आइफोनमा साइड–माउन्ट गरिएको टच आइडी सेन्सर हुने; फेस आइडी नहुने

काठमाडौं ।

समय बित्दै जाँदा, एप्पलको लामो समयदेखि छलफल गरिएको फोल्डेबल फोन वरिपरिका हल्लाहरू अब ठोस लाग्न थालेका छन्। यो डिभाइस अझै आधिकारिक नभए पनि लीकको निरन्तर प्रवाहले एप्पलले सक्रिय रूपमा हार्डवेयर परीक्षण गरिरहेको सुझाव दिएको छ र कमपनीले अन्ततः फोल्डेबल आइफोन बजारमा ल्याउन सक्ने उल्लेख गरिएको छ।

पछिल्लो विवरण एप्पलले वर्षौंदेखि आईफोनमा प्रयोग नगरेको टच आइडीमा केन्द्रित रहेको गीज्मोचाइनाले रिपोर्ट गरेको छ।

प्रसिद्ध टिपस्टर डिजिटल च्याट स्टेशन (डीसीएस) का अनुसार, एप्पलको चौडा फोल्डेबल फोनले थ्रीडी फेस आइडी छोड्ने र साइड–माउन्ट गरिएको टच आइडी फिङ्गरप्रिन्ट स्क्यानरमा निर्भर हुनेछ।

एप्पलले आफ्नो फोल्डेबल आईफोनमा फेस आईडी किन छोडिरहेको छ भन्ने कुरा यहाँ छः
एप्पलले फेस आईडी समावेश नर्गनुको कारण सरल छ। एप्पलले फोल्डेबललाई सकेसम्म पातलो राख्न चाहेको तर थ्रीडी फेस स्क्यानिङको लागि हार्डवेयरले ठाउँ ओगट्ने रिपोर्ट गरिएको छ। कम्पनीले सोही कारणले गर्दा थ्रीडी अल्ट्रासोनिक फिङ्गरप्रिन्ट प्रविधिलाई पनि बेवास्ता गरिरहेको बताइएको छ।

एप्पलले हार्डवेयर डिजाइनमा धेरै प्रयास गरिरहेको लीकले थप सुझाव दिएको छ। डीसीएसले डिभाइसको हिञ्जलाई “धेरै बलियो” भनेर वर्णन गरेको छ र कुनै पनि फोल्डेबल फोनको लागि हिञ्ज प्रमुख चिन्ताको विषय हुने गरेको छ।

हालको इन्जिनियरिङ प्रोटोटाइपमा कथित रूपमा अन्डर–डिस्प्ले फ्रन्ट क्यामराको साथ ठूलो ७.५८–इन्च फोल्डेबल डिस्प्ले रहेको छ। साथै डिभाइसको सानो ५.२५–इन्च बाहिरी स्क्रिनमा पञ्च–होल क्यामरा कटआउट प्रयोग गरिएको छ। डिभाइस्को पछाडि, एप्पलले ४८मेगापिक्सेल डुअल–क्यामरा सेटअप परीक्षण गरिरहेको बताइएको छ।

लीकमा उल्लेख गरिएको “चौडा” फर्म फ्याक्टरले डिभाइस अनफोल्ड गर्दा सानो ट्याब्लेट जस्तो हुने कुरालाई संकेत गर्दछ। यो डिभाइस अर्को वर्ष आउने अपेक्षा गरिएको छ र फोल्डेबल बजारलाई नयाँ गति दिन सक्छ।

चाखलाग्दो कुरा के छ भने, लीकले सामसङले समान फराकिलो फोल्डेबल डिजाइनको मूल्याङ्कन गरिरहेको पनि उल्लेख गरेको छ। यद्यपि, डीसीएसले पहिलो ठूलो तेर्सो फराकिलो फोल्डेबल फोन एप्पल वा सामसङको नभइ चिनियाँ ब्रान्डबाट आउन सक्ने सुझाव दिएको छ।