जापानले डिमेन्सिया संकटको सामना गर्दै; के प्रविधिले मद्दत गर्न सक्छ?

काठमाडौं ।

गत वर्ष जापानमा १८,००० भन्दा बढी डिमेन्सिया भएका वृद्धवृद्धाहरू आफ्नो घरबाट भागेको र बेपत्ता भएको रिपोर्ट गरिएको थियो। तीमध्ये लगभग ५०० जना मृत फेला परेका थिए।

अधिकारीहरूले यी घटनाहरू २०१२ देखि दोब्बर भएको जानकारी दिएको र ६५ वर्षभन्दा माथिका मानिसहरूले जनसंख्याको लगभग ३० प्रतिशत ओगटेको उल्लेख गरिएको छ।

सरकारले डिमेन्सिया हेरचाह लागत २०३० सम्ममा १४ ट्रिलियन येन (लगभग ७७ अर्ब युरो) पुग्न सक्ने चेतावनी दिएको र संकटको सामना गर्न प्रविधिमा फर्किरहेको रिपोर्ट गरिएको छ।

धेरै शहरहरूमा, केही घण्टा भित्र हराएका व्यक्तिहरूलाई फेला पार्न मद्दत गर्न जीपीएस डिभाइसहरू र सामुदायिक प्रणालीहरू प्रयोग गरिएका छन्।
त्यसैगरी, कम्पनीहरू र विश्वविद्यालयहरूले डिमेन्सियाका प्रारम्भिक लक्षणहरू पत्ता लगाउने र दैनिक हेरचाहमा सहयोग गर्ने रोबोट र एआई टुल्सहरू विकास गरिरहेका छन्।

यद्यपि, विज्ञहरूले प्रविधिले ह्युमन कनेक्सनलाई पूरक बनाउनु पर्छ, प्रतिस्थापन गर्नु हुँदैन, जुन वृद्धहरूको कल्याणको लागि आवश्यक रहन्छ भन्ने तथ्यमा जोड दिएको टेलीग्राफले रिपोर्ट गरेको छ।