अमेरिकी दबाबका बाबजुद युरोपेली आयोगले बिहीबार मेटामाथि अविश्वासको अनुसन्धान सुरु गर्यो

काठमाडौं ।

व्हाट्सएपमा आफ्नो नयाँ एआई नीतिहरूको बारेमा युरोपेली आयोगले बिहीबार मेटामाथि अविश्वासको अनुसन्धान सुरु गरेको छ।

ईयूले ठूला टेक कम्पनीहरूमा आफ्नो डिजिटल नियमहरू खुकुलो नपाएसम्म युरोपेली स्टील र एल्युमिनियममा उच्च शुल्क कायम रहन सक्छ भन्ने अमेरिकी व्यापार अधिकारीहरूले ब्रसेल्समा चेतावनी दिएको १० दिनपछि भित्र यो अनुसन्धान आएको बताइएको छ।

प्रतिस्पर्धा आयुक्त टेरेसा रिबेराले “एआई बजारहरू द्रुत गतिमा बढिरहेका छन् र ईयूले डिजिटल जायण्टहरूद्वारा शक्तिको सम्भावित दुरुपयोग रोक्नु पर्छ” भनेर बताएका छिन्।

नयाँ मेटा नियममा केन्द्रित अनुसन्धानले बाह्य एआई प्रदायकहरूलाई व्हाट्सएप प्रयोगकर्ताहरूसँग कुराकानी गर्नबाट निषेध गर्न सक्ने बताइएको छ र यी कम्पनीको आफ्नै सेवाहरूको पक्षमा हुने उल्लेख गरिएको छ।

अक्टोबरसम्म, व्यवसायहरूले ग्राहक सहायताको लागि व्यवस्थित व्हाट्सएप समूहहरूमा एआई बटहरू प्रयोग गर्न सक्षम थिए भने अब नयाँ नियमहरूले यी एकीकरणहरूलाई सीमित गर्न सक्नेछन्।

यद्यपि अनुसन्धान डिजिटल बजार ऐन अन्तर्गत सञ्चालन नभएको बताइए तापनि शुल्कहरूमा ईयू–अमेरिका वार्तामा तनाव थप्न सक्ने र ५० प्रतिशतसम्म पुग्न सक्ने उल्लेख गरिएको छ।

एआई च्याटबटहरूले व्हाट्सएपको प्रणालीहरूमा ठूलो प्राविधिक भार निम्त्याउँछ भनी मेटाले ती आरोपहरूलाई “निराधार” भएको बताएको टेलीग्राफले रिपोर्ट गरेको छ।