आईफोन १७ई को डिस्प्ले विवरण लीक, एक महिनापछि आउने अपेक्षा

काठमाडौं ।

एप्पलको आईफोन १७ई २०२६ को पहिलो महिनामा आउने अपेक्षा गरिएको छ। कोरियाको एक नयाँ रिपोर्टले आईफोन १७ई को स्क्रिनको बारेमा केही थप विवरणहरू साझा गरेको छ।

आईफोन १७ई को प्यानल बीओई, सामसङ डिस्प्ले र एलजी डिस्प्लेद्वारा बनाइनेछ भने धेरैजसो अर्डरहरू बीओईले पाउने उल्लेख गरिएको छ।

आईफोन १७ई को स्क्रिन भने आईफोन १६ई मा रहेको एलटीपीएस ओएलईडी जस्तै हुने बताइएको छ र आईफोन १७ई को बेजेलहरू पातलो हुने उल्लेख गरिएको छ। एप्पलले अर्को वर्षको पहिलो भाग (पहिलो ६ महिना) मा लगभग ८० लाख आईफोन १७ई एकाइहरू ढुवानी गर्ने अपेक्षा गरिएको छ।

अघिल्ला अफवाहहरू अनुसार, आईफोन १७ई मा गत सेप्टेम्बरमा आईफोन १७ परिवारसँगै डेब्यू गरेको १८ मेगापिक्सेलको सेल्फी क्यामरा हुने उल्लेख गरिएको छ। साथै आईफोन १७ई मा आईफोन १७ को ए१९ चिप समावेश गरिने अपेक्षा गरिएको छ र सम्भवतः आईफोन १६ई को ४८ मेगापिक्सेलको क्यामरा कायम राख्ने जीएसएमएरिनाले रिपोर्ट गरेको छ।