Technology Khabar १७ मंसिर २०८२, बुधबार
काठमाडौं ।
वीरगञ्ज भन्सार कार्यालयले चालु आर्थिक वर्षको सुरुवाती चार महिनामा यातायातका साधन एवं तिनका पार्टपुर्जाबाट रु १० अर्ब १० करोड र पाँच प्रकारका पेट्रोलियम पदार्थको आयातबाट रु २२ अर्ब ९० करोड र राजस्व उठाएको छ।
कार्यालयले चालु आवको चार महिनामा फलाम तथा फलामबाट बनेका सामानबाट रु चार अर्ब ५८ करोड, कपडाबाट रु चार अर्ब २५ करोड, मेसिनरी तथा पार्टपुर्जाको आयातबाट रु तीन अर्ब १७ करोड राजस्व सङ्कलन गरेको छ।
इलेक्ट्रिक मेसिनरी, उपकरण र तिनका पार्टपुर्जा आयातबाट रु तीन अर्ब सात करोड राजस्व सङ्कलन गरेको छ। चालु आवको चार महिनामा वीरगञ्जबाट रु दुई खर्ब ८४ अर्ब ८९ करोड मूल्य बराबरका वस्तु आयात भएका छन् । कार्यालयले चालु आवमा रु ७५ अर्ब ५९ करोड राजस्व सङ्कलन गरेको जनाएको छ।–रासस
प्रकाशित: १७ मंसिर २०८२, बुधबार
