ग्यालेक्सी एस२७ अल्ट्रामा “पोलार आईडी” हुने संकेत, एप्पलको फेस आईडीसँग प्रतिस्पर्धा गर्ने सम्भावना

काठमाडौं ।

सामसङले ग्यालेक्सी एस२७ अल्ट्राको लागि फेस अनलकको ठूलो ओभरहालमा काम गरिरहेको हुन सक्ने नयाँ लिकले सुझाव दिएको छ। स्पष्ट रूपमा पोलार आईडी भी१.० भनिने प्रणाली सामसङको अहिलेसम्मको सबैभन्दा महत्वाकांक्षी प्रयास हुन सक्ने र सम्भवतः एप्पलको फेस आईडीलाई पार गर्न सक्ने बताइएको छ।

लीकर स्पाइगो१९७२६ बाट आएको यो दाबीले उनीहरूले प्रारम्भिक एस२७ अल्ट्रा फर्मवेयरमा पोलार आईडीको सन्दर्भहरू देखेको उल्लेख गरिएको छ। उनीहरूको पोस्ट अनुसार, सामसङ अब सामान्य फ्रन्ट–फेसिङ क्यामरामा भर नपर्ने बताइएको छ। त्यसको सट्टा बरु, कम्पनीले कुनै प्रकारको नियर–इन्फ्रारेड पोलाराइज्ड लाइट (प्रकाश) उत्सर्जन गर्ने र सम्भवतः प्रयोगकर्ताको अनुहारको पोलाराइजेसन ढाँचा पढ्ने उद्देश्यका लागि समर्पित हार्डवेयर परीक्षण गरिरहेको बताइएको छ। सरल शब्दहरूमा, यो प्रयोगकर्ताको अनुहारलाई लाइट–बेस्ड (प्रकाश–आधारित) फिङ्गरप्रिन्ट दिनु जस्तै हुने र यो फोटो, भिडियो, मास्क, वा थ्रीडी प्रिन्टहरूले नक्कल गर्न नसक्ने उल्लेख गरिएको छ।

यदि लीक सही भएको खण्डमा भने, डिभाइसको पछाडिको हार्डवेयरमा आईएसओसीईएलएल भिजन सेन्सर र नयाँ “बायो–फ्यूजन कोर” सुरक्षा मोड्युल समावेश हुने बताइएको छ। सामसङले लगभग १८० मिलिसेकेन्डको अनलक समयलाई लक्षित गर्दै पिच ब्ल्याक (निस्पट्ट अध्याँरो), ब्राइट सन (उज्यालो घाममा), इनडोरमा सनग्लास लगाएको जस्ता लगभग कुनै पनि लाइटिङ कन्डिसन (प्रकाशको अवस्था) लाई समर्थनको लागि काम गरिरहेको छ।

अर्कोतर्फ एप्पलको फेस आईडी (जसले प्रयोगकर्ताको अनुहारमा इन्फ्रारेड प्रकाशको थोप्लाहरू प्रोजेक्ट गर्छ) अझै पनि अत्यन्त सुरक्षित भएको बताइएको छ। धेरैजसो एन्ड्रोइड फोनहरूमा फ्रन्ट क्यामरा–आधारित फेस अनलक छिटो भए पनि पनि भुक्तानीको लागि भने “सुरक्षित” मानिने गरिएको छैन।

यदि सामसङको “पोलार आईडी” समाधान वास्तवमा ढुवानी गरिएको खण्डमा भने, एस२७ अल्ट्रा कुनै पनि एन्ड्रोइड फोनमा सबैभन्दा भरपर्दो फेस अथेन्टिकेसन प्रणालीहरू मध्ये एक हुन सक्ने गीज्मोचाइनाले रिपोर्ट गरेको छ।