सामसङ नेपालद्वारा सिर्जना र खेलका नयाँ तरिका घोषणा गर्दै ग्यालेक्सी एस२५ एफई सार्वजनिक

काठमाडौं ।

सामसङ नेपालले नयाँ ग्यालेक्सी एस२५ एफई सार्वजनिक गरेको छ। यो फोन विशेष रूपमा एउटै डीभाईसमा परफर्मेन्स र क्रिएटिभिटी खोज्ने युवा प्रोफेशनल र कन्टेन्ट क्रिएटरका लागि डिजाइन गरिएको हो।

क्रिएटिभ र प्रोडक्टिभ क्षमता अनलक गर्न खोज्ने प्रयोगकर्ताहरूका लागि तयार पारिएको नयाँ ग्यालेक्सी एस२५ एफई प्रिमियम पर्फर्मेन्स र ग्यालेक्सी इकोसिस्टमसँग निर्बाध एकीकरणको साथ प्रिमियम एआई-सञ्चालित सुविधाहरू अब रु.९९,९९९ (८जीबी/२५६ जीबी) मा उपलब्ध छ।

ग्यालेक्सी एआई र वन युआई ८ द्वारा सञ्चालित ग्यालेक्सी एस२५ एफईले भोइस, टच र भिजुअल अन्तर्क्रिया मार्फत सहज र सरल अनुभव प्रदान गर्ने कम्पनीको दावी छ।

वास्तविक-समय भर्चुअल सहायताको लागि जेमिनी लाइभ, व्यक्तिगत अपडेटहरूको लागि नाउ बार र नाउ ब्रीफ, र अन-स्क्रिन जवाफहरूको लागि सर्कल टु सर्च जस्ता सुविधाहरूको साथ एस२५ एफईले दैनिक कार्यहरूलाई पहिलेभन्दा स्मार्ट, छिटो र अझ सहज बनाउँछ।

ग्यालेक्सी एस२५ एफईले यसको एआइ-सञ्चालित प्रोभिजुअल इन्जिन र अपग्रेड गरिएको १२ मेगापिक्सेल फ्रन्ट क्यामेराको साथ क्रिएटिभिटीलाई सशक्त बनाउँछ, सुपर एचडीआर मार्फत फोटो र भिडियोहरुको स्पष्ट रंगको साथ आश्चर्यजनक सेल्फीहरू र क्ल्यारिटीका साथ शटहरू खिच्दछ।

जेनेरेटिभ एडिट, पोर्ट्रेट स्टुडियो, इन्स्ट्यान्ट स्लो-मो, र अडियो इरेजर जस्ता फिचरहरूले फोटो र भिडियो सम्पादनलाई सहज बनाउँदै, अवरोधहरू हटाउनेदेखि अडियोलाई परिष्कृत गर्ने र इमर्सिभ स्लो-मोशन क्लिपहरू सिर्जना गर्दछ। अटो ट्रिमको साथ, स्वचालित रूपमा उत्कृष्ट भिडियो क्षणहरू पनि चयन गर्दछ, जसले कन्टेन्ट क्रिएशनलाई पहिलेभन्दा स्मार्ट र सजिलो बनाउँछ।

ग्यालेक्सी एस२५ एफईले भरपर्दो परफर्मेन्सलाई परिष्कृत, आधुनिक डिजाइनसँग जोड्दछ। कम्पनीका अनुसार ४५ वाटको फास्ट चार्जिङ र एफिशियन्ट कूलिङ्गको लागि भेपर चेम्बरको साथ ४,९०० एमएएभ ब्याट्रीद्वारा सञ्चालित यसले स्ट्रिमिङ, मल्टिटास्किङ र क्रिएटिभ कार्यको लागि सहज कार्यसम्पादन सुनिश्चित गर्दछ। साथै १२० हर्ज रिफ्रेस दरको साथ ६.७ इन्चको डायनामिक एमोलेड २एक्स डिस्प्लेले आश्चर्यजनक भिजुअल्स प्रदान गर्दछ।

सामसङ नेपालका एमएक्स डाईरेक्टर प्रणय रत्न स्थापित भन्छन्, “हाम्रो लक्ष्य सधैं फ्ल्यागशिप इनोभेसन सबैका लागि उपलब्ध गराउनु हो। ग्यालेक्सी एस२५ एफई ले यही भिजन लाई स्पष्ट रूप दिएको छ — जहाँ उन्नत ए.आइ. क्षमताहरू, उत्कृष्ट क्यामेरा परफर्मेन्स र सहज ग्यालेक्सी इकोसिस्टम कनेक्टिभिटी एकैसाथ अनुभव गर्न सकिन्छ।”

सामसङ इन्स्टा फाइनान्स (हुलास फिनसर्भ हायर पर्चेज लिमिटेडद्वारा सञ्चालित) मार्फत अब ग्राहकहरूले ग्यालेक्सी एस२५ एफई लगायतका नयाँ सामसङ डिभाइसहरूलाई शून्य प्रतिशत ब्याजदरमा सजिलो ईएमआई प्लानमा प्राप्त गर्न सकिने कम्पनीले जनाएको छ।