असोजमा साढे १० लाख थान हाराहारी सिम कार्ड आयात

काठमाडौं ।

नेपालमा चालु आर्थिक वर्ष २०८२/८३ को तेस्रो महिना असोजमा १० लाख ४५ हजार थानभन्दा बढी सिम कार्ड आयात भएको छ।

भन्सार विभागले हालै जारी गरेको उक्त अवधिसम्मको वैदेशिक व्यापार विवरण अनुसार उक्त अवधिमा ५ करोड २० लाख ९५ हजार रुपैयाँ बराबरको १० लाख ४५ हजार ९६० थान सिम कार्ड आयात भएको छ।

सिम कार्ड आयातबाट सरकारले १ करोड २६ लाख ६९ हजार रुपैयाँ राजश्व संकलन गरेको छ।

भन्सार विभागको तथ्यांक अनुसार सिम कार्ड अस्ट्रेलिया, चीन, जापान, कतार, बेलायत, मेक्सिको र डेनमार्क गरी विश्वका सात देशबाट आएको देखिन्छ।

असोजमा सबैभन्दा बढी अर्थात् १० लाख ९०५ हजार थान सिम कार्ड चीनबाट नेपाल आएको छ। यसको समग्र मूल्य ५ करोड १३ लाख ५१ हजार परेको छ।

यसैगरी मेक्सिकोबाट ३ लाख २२ हजार बराबरको ३० हजार थान तथा बेलायतबाट ३ लाख ११ हजार बराबरको १० हजार २ थान सिमकार्ड आयात भएको तथ्याङ्कमा उल्लेख छ।

अष्ट्रेलियाबाट ८८ हजार बराबरको ५ हजार थान, जापानबाट ३ हजार बराबरको ५० थान थान आएको छ। कतारबाट २ र डेनमार्कबाट १ थान सिमकार्ड आएको देखिएको छ तर यिनीहरुको मूल्य उपलब्ध छैन।

यस्तो छ विवरण