अमेरिका र चीनबीच भन्सार सम्झौता भयो

काठमाडौं ।

अमेरिका–चीन व्यापार युद्ध चलिरहेको अवस्थामा यस वर्ष प्रविधि जगतमा भन्सार प्रमुख विषय बनेको छ। अमेरिकी राष्ट्रपति ट्रम्पले चिनियाँ समकक्षी सी जिनपिङसँग चिनियाँ सामानहरूमा लाग्ने भन्सार कर ५७ प्रतिशत बाट घटाएर ४७ प्रतिशतमा झार्ने सम्झौता गरेका छन्। यसका साथै, चीनले अमेरिकी दुर्लभ खनिज आयातमा लगाइएको प्रतिबन्ध एक वर्षको लागि स्थगित गरिरहेको छ।

ट्रम्प प्रशासनले यस वर्षको सुरुमा चिनियाँ सामानहरूमा भन्सार कर १४५ प्रतिशतमा पुर्याएको थियो। अमेरिका–चीन व्यापार युद्धबाट सबैभन्दा बढी पीडित कम्पनीहरू मध्ये एक एप्पलको लागि भने यो निश्चित रूपमा राम्रो खबर भएको बताइएको छ। क्युपर्टिनोलाई आफ्नो आपूर्ति श्रृंखला विविधीकरण गर्न र केही प्रारम्भिक भन्सार–सम्बन्धित मूल्य झट्काहरू पनि सहन बाध्य पारिएको थियो।

अहिलेको लागि अमेरिका–चीन भन्सार करहरू घटाइए पनि, चीनमा सेमिकण्डक्टर निर्यातको वरिपरि अझै पनि अनिश्चितता रहेको बताइएको छ र यस बारे अमेरिकी राष्ट्रपति ट्रम्पले “चीन र एनभिडियाले कुरा गर्नुपर्नेछ” भनेर बताएका थिए। चीनको वाणिज्य मन्त्रालयले यो समस्यालाई उचित रूपमा समाधान गर्ने सम्झौतालाई अन्तिम रूप दिनुपर्ने पुष्टि गरेपछि अमेरिकामा टिकटकको भाग्य पनि अनिश्चित रहेको जीएसएमएरिनाले रिपोर्ट गरेको छ।