सामसङ ग्यालेक्सी बड्स४ र बड्स४ प्रो अलि ठूलो ब्याट्रीको साथ आउने

काठमाडौं ।

सामसङले ग्यालेक्सी एस२६ सिरिजसँगै ग्यालेक्सी बड्स४ र ग्यालेक्सी बड्स४ प्रो लन्च गर्ने हल्ला चलिरहेको छ। सामसङको ग्यालेक्सी एस२६ सिरिजको साथमा ग्यालेक्सी बड्स४ र ग्यालेक्सी बड्स४ प्रो मार्च महिनामा आउने अपेक्षा गरिएको छ।

नयाँ रिपोर्ट अनुसार, बड्स४ र बड्स४ प्रो दुवै नयाँ केसको साथ आउनेछन् जसमा बड्स३ र बड्स३ प्रो भन्दा अलि ठूलो ब्याट्री हुने बताइएको छ।

नयाँ केसमा ५१५ एमएएचको मूल्याङ्कन गरिएको ब्याट्री क्षमता हुने अनुमान गरिएको छ र यो सम्भवतः ५३० एमएएचको सामान्य क्षमताको रूपमा विज्ञापन गरिनेछ। बड्स३ र बड्स३ प्रो केसमा ५०० एमएएचको मूल्याङ्कन गरिएको क्षमता र ५१५ एमएएचको सामान्य क्षमता रहेको छ।

त्यसैले स्पष्ट रूपमा यो ठूलो वृद्धि नहुने उल्लेख गरिएको छ। बड्सहरूले आफैंले ब्याट्री क्षमतामा कुनै वृद्धि पाउने छन् कि छैनन् भन्ने कुरा भने अझै स्पष्ट नभएको उल्लेख गरिएको छ।

अहिलेसम्म थाहा भए अनुसार बड्स४ को डिजाइन बड्स३ भन्दा फरक हुन सक्ने बताइएको छ र यस महिनाको सुरुमा भएको लीकले यो तथ्य प्रमाणित गरेको जीएसएमएरिनाले रिपोर्ट गरेको छ।