आईफोन २० ले प्रभावशाली क्यामरा अपग्रेड प्रस्तुत गर्ने

काठमाडौं ।

आईफोन सन् २०२७ मा २० वर्ष पुग्दैछ र एप्पलले विशेष आईफोन २० रिलिजको साथ वार्षिकोत्सव मनाउने उल्लेख गरिएको छ।

आईफोन २० मा स्लोपिङ डिस्प्ले बेजेलहरूको साथ ठूलो रिडिजाइन हुने जानकारी बाहिरिसकेको छ जसले डिभाइसलाई अगाडिबाट हेर्दा सिसा (ग्लास) को एक टुक्रा जस्तो देखाउने अनुमान गरिएको छ। यसै क्रममा अब एउटा अतिरिक्त रिपोर्टले डिभाइसमा केही प्रमुख क्यामरा अपग्रेडहरू हुने सुझाव दिएको छ।

सन् २०२७ आईफोन मोडेल (सम्भवतः प्रो भेरियन्ट) ले ल्याटरल ओभरफ्लो इन्टिग्रेसन क्यापासिटर (एलओएफआइसी) क्यामरा सेन्सर ल्याउने उल्लेख गरिएको छ। यसको अर्थ क्यामराहरूले प्रति पिक्सेल बढी प्रकाश क्याप्चर गर्नेछन् जसले उच्च डायनामिक रेञ्ज र समग्रमा राम्रो तस्बिर गुणस्तरमा नेतृत्व गर्ने बताइएको छ।

ह्वावेले पहिले नै आफ्नो पुरा ८० अल्ट्रामा एलओएफआइसी सेन्सर समावेश गरिसकेको छ। एप्पलसँग शीर्ष पाँच चिनियाँ निर्माताहरू – शाओमी, ह्वावे, अनर, ओप्पो र भिभो सामेल हुनेछन् जसले आफ्नो फ्ल्यागशिपहरूमा एलओएफआइसी क्यामरा प्रविधि ल्याउने हल्ला पनि रहेको छ।

त्यसैगरी आईफोन १८ प्रो म्याक्सले मुख्य क्यामराको लागि परिवर्तनशील एपर्चर पाउने हल्ला चलिरहेको छ। टिपस्टर डिजिटल च्याट स्टेशनले कथित आपूर्ति श्रृंखला जानकारी साझा गरेको छ जसले आईफोन १८ प्रो सिरिजले यो सुविधा प्राप्त गर्ने बारेमा पहिलेका अफवाहहरूलाई पुष्टि गर्दछ भने अब यो ठूलो १८ प्रो म्याक्स मोडेलको लागि मात्र विशेष हुने स्पष्टीकरण प्राप्त भएको बताइएको छ।

साथै नयाँ टिपले १८ प्रो म्याक्सको ४८ मेगापिक्सेल पेरिस्कोप लेन्सको लागि ठूलो फिक्स्ड एपर्चर पाउने सुझाव पनि दिएको जीएसएमएरिनाले रिपोर्ट गरेको छ।