एप्पलको ठूलो कदमः भियतनामले नयाँ स्मार्ट होम डिभाइसहरूको लागि चीनलाई प्रतिस्थापन गर्दै

काठमाडौं ।

एप्पल इंकले आफ्नो स्मार्ट होम व्यवसायलाई बलियो बनाउन र चिनियाँ आपूर्ति शृङ्खलाहरूमा निर्भरता कम गर्नको लागि प्रमुख परिवर्तनको एक भागको रूपमा भियतनाममा आफ्नो उत्पादन विस्तार गर्ने भएको छ। कम्पनीले भियतनाममा पहिलेदेखि नै धेरै उत्पादनहरू (प्रोडक्ट) निर्माण गर्दै आइरहेको छ। तर अब भियतनामले पूर्ण रूपमा नयाँ प्रोडक्ट लाइनको लागि मुख्य प्रोडक्सन बेस (उत्पादन आधार) को रूपमा काम गर्न लागेको यो पहिलो पटक भएको बताइएको छ।

एप्पलको यो कदम बढ्दो भूराजनीतिक तनाव र ट्यारिफ जोखिमहरूको बीचमा आएको उल्लेख गरिएको छ। भियतनाममा थप प्रोडक्सन (उत्पादन) स्थानान्तरण गरेर, एप्पलले थप लचिलो आपूर्ति शृङ्खला सुरक्षित गर्ने र आफ्नो स्मार्ट होम इकोसिस्टम विस्तार गर्ने लक्ष्य राखेको छ।

चीनको बीवाईडीसँग साझेदारी गर्दैः
यस योजनालाई अगाडि बढाउन, एप्पलले बीवाईडी कम्पनीसँग काम गरिरहेको छ जसले भियतनाममा नयाँ उत्पादनहरू (प्रोडक्ट) को एसेम्बली, परीक्षण र प्याकेजिङको व्यवस्थापन गर्नेछ। बीवाईडीले देशमा आईप्याड उत्पादन विस्तार गर्न पनि मद्दत गर्नेछ जसले एप्पलको क्षेत्रीय उपस्थितिलाई गहिरो बनाउनेछ।

होम हब डिस्प्ले लन्चः
पहिलो नयाँ प्रोडक्टको रुपमा ७ इन्चको स्मार्ट होम डिस्प्ले हुनेछ जुन एपलाइन्सेस, म्युजिक र सञ्चारको लागि केन्द्रीय हबको रूपमा काम गर्दछ। यसमा फेसटाइम, एडाप्टिभ सफ्टवेयर र अपग्रेड गरिएको सिरी मार्फत उन्नत एआई फिचर हुनेछ। मूल रूपमा सन् २०२५ को लागि सेट गरिएको यसको लन्च अब सन् २०२६ को वसन्तमा हुने अपेक्षा गरिएको छ। डिभाइसले अमेजन इको शो र गुगल नेस्ट हबसँग प्रतिस्पर्धा गर्नेछ।

सेक्योरिटी क्यामरा र टेबलटप रोबोटः
एप्पलले सन् २०२६ को अन्त्यसम्ममा इनडोर सेक्योरिटी (सुरक्षा) क्यामरा पनि जारी गर्नेछ र यसलाई आफ्नो बढ्दो स्मार्ट होम इकोसिस्टममा एकीकृत गर्नेछ। सन् २०२७ मा, कम्पनीले मोटराइज्ड आर्ममा ९ इन्चको डिस्प्ले भएको टेबलटप रोबोट लन्च गर्ने योजना बनाएको छ। यसले प्रयोगकर्ताहरूलाई पछ्याउन र थप अन्तरक्रियात्मक अनुभवहरू प्रदान गर्न उन्नत एआई प्रयोग गर्नेछ भने जटिल डिजाइनले यसलाई महँगो बनाउन सक्नेछ।

एआई–पावर्ड सिरी अपग्रेडः
मार्च २०२६ मा आइपुग्ने सिरीको नयाँ संस्करणबाट यी डिभाइसहरू संचालित हुनेछन्। यसले स्मार्ट वेब रेसपोन्सेस, राम्रो एप कन्ट्रोल (नियन्त्रण) र प्रयोगकर्ता अनुभवलाई पर्सनालाइ (निजीकृत) गर्ने एडाप्टिभ इन्टरफेसहरू प्रदान गर्नेछ।

रणनीतिक आपूर्ति श्रृंखला परिवर्तनः
यो विस्तारले एप्पलको फराकिलो आपूर्ति श्रृंखला विविधीकरणलाई प्रकाश पार्दछ। भियतनामसँगै, भारत, मलेसिया र थाइल्याण्डमा उत्पादन बढिरहेको छ। यद्यपि, भियतनामबाट आयात गरिएका सामानहरूमा २० प्रतिशतको भन्सार अझै पनि बाधा बनेको छ।

बीवाईडीसँगको एप्पलको साझेदारी र यसको आगामी प्रोडक्ट लन्चहरु कम्पनीको निर्माण रणनीतिमा एक महत्वपूर्ण क्षण भएको बताइएको छ। होम हब डिस्प्ले, सेक्योरिटी क्यामरा र टेबलटप रोबोटको साथ एप्पलले चीनमा आफ्नो निर्भरता कम गर्दै स्मार्ट होम बजारमा अझ गहिरो प्रवेश गर्ने तयारी गरिरहेको गीज्मोचाइनाले रिपोर्ट गरेको छ।