माइक्रोसफ्टले विन्डोज ११ मा आर्टिफिसियल इन्टेलिजेन्स सुधारहरू लन्च गर्यो

काठमाडौं ।

माइक्रोसफ्टले विन्डोज ११ का लागि धेरै एआई–संचालित सुधारहरू अनावरण गरेको छ जसमा विन्डोज ११ पीसीहरूमा भ्वाइस एक्टिभेसन र “थप प्रयोगात्मक एआई” समावेश रहेका छन्।

माइक्रोसफ्टको कोपाइलट एसिस्टेण्टमा अपडेटहरूले प्रयोगकर्ता अन्तरक्रियालाई सरल बनाउने र दैनिक कार्यहरू स्वचालित गर्ने लक्ष्य राखेको टेलिग्राफले रिपोर्ट गरेको छ।

प्रयोगकर्ताहरूले अब नयाँ रेकर्डिङ सुविधा मार्फत कुनै पनि विन्डोज ११ पीसीमा “हे कोपाइलट” भनेर भ्वाइस कमाण्डहरू सहित कोपाइलट सक्रिय गर्न सक्नेछन्।

कोपाइलट भिजन स्क्रिनमा के छ भनेर विश्लेषण गर्न र प्रश्नहरूको जवाफ दिन सक्ने सुविधा हो जुन कोपाइलट उपलब्ध भएका सबै बजारहरूमा लन्च गरिने बताइएको छ।

त्यसैगरी माइक्रोसफ्टले “कोपाइलट ल्याब्ससँग मिलेर, हामी विन्डोज इनसाइडर्समा अझ बढी प्रयोगात्मक एआई र एजेन्ट सुविधाहरू ल्याइरहेका छौं” भन्ने जानकारी दिएको छ।

ब्राउजरभन्दा बाहिर कोपाइलट एक्सन्सको प्रयोगात्मक विस्तार सुधारहरू मध्ये एक भएको बताइएको छ जसले विन्डोज इनसाइडर्सको लागि विन्डोजमा स्थानीय फाइलहरूमा सीमित कार्यहरू सक्षम पार्दछ।

वेबको लागि कोपाइलट एक्सन पहिले मे महिनामा घोषणा गरिएको थियो जसले एआई एसिस्टेण्टलाई रेस्टुरेन्ट आरक्षण गर्ने वा खाना अर्डर गर्ने जस्ता रियल–वर्ल्ड कार्यहरू ह्यान्डल गर्न अनुमति दिने गर्दछ।

त्यसैगरी उपभोक्ता उत्पादनहरूका मार्केटिङ निर्देशक युसुफ मेहदीले यो कदमलाई महत्वपूर्ण परिवर्तनको रूपमा वर्णन गरेका छन्।

“हामी विश्वास गर्छौं कि हामी नयाँ विकासको शिखरमा छौं, जहाँ आर्टिफिसियल इन्टेलिजेन्स च्याटबटहरूमा मात्र सीमित छैन, तर मानिसहरूले हरेक दिन संलग्न हुने लाखौं अनुभवहरूमा निर्बाध रूपमा एकीकृत छ” भनि उनले थप उल्लेख गरेको टेलीग्राफले रिपोर्ट गरेको छ।