एप्पलले चीनमा आफ्नो लगानी बढाउने योजनाको घोषणा

काठमाडौं ।

एप्पलले चीनमा आफ्नो लगानी बढाउने योजना घोषणा गरेको छ। आईफोन एयरले ईसीम परीक्षणको साथ सुरुवात गर्दा एप्पलले चीनमा थप लगानीको प्रतिबद्धता जनाएको हो।

रोयटर्सको रिपोर्ट अनुसार, बेइजिङमा चीनका उद्योग मन्त्री ली लेचेङसँगको भेटमा सीईओ टिम कुकले यो जानकारी दिएका हुन्।

उनको भ्रमणले नयाँ आईफोन एयरको लागि अर्डरको सुरुवात र नयाँ स्मार्टफोनमा ईसीमको लागि तीनओटै चिनियाँ मोबाइल अपरेटरहरूबाट समर्थनलाई संकेत गर्दछ।

चीनको उद्योग तथा सूचना प्रविधि मन्त्रालयले चाइना मोबाइल, चाइना टेलिकम र चाइना युनिकमलाई अनुमोदित उपकरणहरूको लागि परीक्षण ईसीम सेवाहरू प्रदान गर्न अनुमति दिएको छ। यो नियामक स्वीकृतिले देशमा आईफोन एयरको रिलीजमा ढिलाइ भएको अघिल्लो अवरोध हटाएको छ।

यो सुरुवात उल्लेखनीय छ किनकि आईएफद्द एयर एप्पलको पहिलो स्मार्टफोन हो जसमा ईसीम कनेक्सन मात्र रहेको छ। अर्थात यसमा भौतिक सिम लाग्दैन्।

आईफोन एयर अक्टोबर १७, २०२५ देखि चीनमा प्रि-अर्डरको लागि उपलब्ध भयो, र अक्टोबर २२, २०२५ मा स्टोरहरूमा उपलब्ध हुनेछ। पहिलेको नियामक समीक्षाको कारणले गर्दा यसको विश्वव्यापी रिलीज भएको लगभग एक महिना पछि यो लन्चिङ्ग हुँदैछ। डिभाइस ७,९९९ युआनबाट सुरु हुन्छ।

परीक्षण अवधिमा, आईफोन एयरमा चिनियाँ मुख्य भूमि वाहकबाट ईसीमको लागि सक्रियता प्रक्रियालाई क्यारियर स्टोरमा व्यक्तिगत भ्रमण आवश्यक पर्दछ, जसले सामान्यतया ईसीमसँग सम्बन्धित सुविधालाई सीमित गर्दछ।