यो नयाँ गेमले चम्कायो सोनीको भाग्य, लन्चिङ्गको पहिलो दिनमै उठायो सम्पूर्ण लागत

काठमाडौं ।

घोस्ट अफ योटेई (Ghost of Yotei) रिलिज भएको एक हप्ता भित्रै सोनीको लागि ठूलो चर्चा बटुलिसकेको छ। हाल प्लेस्टेशन ५ मा मात्र उपलब्ध यो खेलले १.६ मिलियन भन्दा बढी युनिट बिक्री गरिसकेको बताइएको छ।

बजार अनुसन्धान फर्मका अनुसार, घोस्ट अफ योटेई मार्भलको स्पाइडर-म्यान २ पछि सोनीको अहिलेसम्मकै सबैभन्दा बलियो पीएस५ लन्चहरू मध्ये एक बनेको छ।

एलाइना एनालिटिक्सका अनुसार, खुद्रा विक्रेताहरूलाई पठाइएका प्रतिलिपिहरू सहित, खेलको कुल बिक्री केवल एक हप्तामा २० लाख युनिट नाघेको छ। तथ्याङ्कले देखाउँछ कि गेमले केवल एक दिनमा यसको ६० मिलियन डलरको डेभलपमेन्ट लागत पुन: प्राप्त गरेको छ। गेमको मूल्य ७० डलर तोकिएको छ, जसको आधारमा, यसले अहिलेसम्म लगभग १०० मिलियन डलर कमाएको छ।

यद्यपि घोस्ट अफ योटेईको प्रारम्भिक बिक्री यसको प्रिक्वेल, घोस्ट अफ सुशिमा भन्दा अलि ढिलो छ, जसले सुरुवातको तीन दिनमा २.४ मिलियन युनिट बिक्री गरेको थियो, योटेईले अझै पनि सोनीलाई बलियो सुरुवात दिएको छ।

यसबाहेक, घोस्ट अफ योटेई यूबिसफ्टको एसासिन्स क्रिड स्याडोज (Assassin’s Creed Shadows) भन्दा लगभग १.५ गुणा छिटो बिक्री भइरहेको रिपोर्टले यो पनि खुलासा गरेको छ। यसबाहेक, अहिलेसम्मको कुल बिक्रीको ७७ प्रतिशत डिजिटल प्रतिलिपिहरू छन्।

चाखलाग्दो कुरा के छ भने, ९३ प्रतिशत योटेईका गेमरहरूले पहिले नै घोस्ट अफ सुशिमा (Ghost of Tsushima) खेलिसकेका छन्, जसले गर्दा सकर पन्चको बलियो फ्यानबेस छ र गेमरहरूको स्टुडियोमा ठूलो विश्वास छ भन्ने संकेत गर्छ। घोस्ट अफ योटेई ले यसको सुरुवात भएदेखि नै सकारात्मक समीक्षा प्राप्त गरेको छ।

हाल, यो गेम पीएस ५ मा मात्र उपलब्ध छ, र आगामी हप्ताहरूमा बिक्री अझ बढ्ने अपेक्षा गरिएको छ।