अन्तरिक्षमा डाटा सेन्टरहरू बनाउने जेफ बेजोसको भनाई

काठमाडौं ।

अमेजनका संस्थापक जेफ बेजोसले आगामी १० देखि २० वर्ष भित्र अन्तरिक्षमा गिगावाट–स्केल डाटा सेन्टरहरू निर्माण हुनेछन् भनेर अनुमान गर्दै निरन्तर उपलब्ध सौर्य ऊर्जाको साथ तिनीहरूले अन्ततः पृथ्वीमा आधारित डाटा सेन्टरहरूलाई उछिन्ने बताएका छन्।

बेजोसले जोखिमको बावजुद आशावादलाई प्रोत्साहन गर्दै आर्टिफिसियल इन्टेलिजेन्सको उदयलाई २००० को दशकको सुरुवातको इन्टरनेट बूमसँग पनि तुलना गरेका छन्।

पृथ्वीमा रहेका डाटा सेन्टरहरूले आफ्नो सर्भरहरूलाई चिसो पार्न बिजुली र पानीको माग बढाएको हुनाले अर्बिटल डाटा सेन्टरहरूको अवधारणाले टेक जायण्टहरूमाझ आकर्षण प्राप्त गरेको छ।

“यी विशाल प्रशिक्षण सेटहरू, तिनीहरू अन्तरिक्षमा राम्रोसँग निर्माण हुनेछन्, किनभने हामीसँग त्यहाँ २४/७ सौर्य ऊर्जा उपलब्ध हुनेछ। त्यहाँ बादल, वर्षा, मौसमको अवरोध हुनछैन” बेजोसले भने।

“हामी अर्को दुई दशकमा अन्तरिक्षमा स्थलीय डाटा सेन्टरहरूको लागतलाई पार गर्न सक्षम हुनेछौं” बेजोसले थप उल्लेख गरे।

त्यसैगरी अन्तरिक्ष पूर्वाधारमा सर्नु पृथ्वीमा जीवन सुधार गर्न अन्तरिक्ष प्रयोग गर्ने फराकिलो प्रवृत्तिको अंश हो भनि बेजोसले बताएका छन्।

“मौसम र सञ्चार स्ट्याटेलाइटहरूसँग यो पहिले नै भइसकेको छ” बेजोसले जानकारी दिँदै अब “अर्को चरण भनेको डेटा केन्द्रहरू हो, त्यसपछि अन्य प्रकारका उत्पादनहरू” भनि बताएको टेलीग्राफले रिपोर्ट गरेको छ।