फक्सवागनले लुपो मोडेललाई विद्युतीय संस्करणमा बजारमा पुनरागमन गराउने

काठमाडौं ।

फक्सवागनले आफ्नो नयाँ सिटी कारको रुपमा यस अघि नसुनेको नामलाई सडकमा ल्याउने सम्भावना रहेको छ।

टेलिग्राफका अनुसार फक्सवागन समूहले चिनियाँ मोडेलहरूसँग प्रतिस्पर्धा गर्ने सिटी कार निर्माण गर्न प्रतिबद्ध रहेको छ। फक्सवागनका अधिकारी काई ग्रुनिट्जले हालै यसै विषयमा कुरा गरेको छ।

“इन्ट्रि–लेभलको मोडेल हुनु आवश्यक छ। यदि हामीले यसो गरेनौं भने, चिनियाँहरूले गर्नेछन्। यदि भर्खरै आफ्नो ड्राइभिङ लाइसेन्स प्राप्त गरेका शुरुवाती चालहरूले चिनियाँ ब्रान्डहरूमा स्विच गरे भने, तिनीहरू तिनीहरूप्रति वफादार रहन सक्छन्” ग्रुनिट्जले भने।

“यस्तो कार उत्पादन गर्न सजिलो छैन र यसको लागत २०,००० युरोभन्दा कम हुनेछ। युरोपमा यसलाई निर्माण गर्ने, युरोपमा डिजाइन गर्ने, युरोपमा उत्पादन गर्ने, युरोपमा आपूर्ति श्रृंखलाको साथ, यी सबै साँच्चै चुनौतीपूर्ण छन्” उनले थप उल्लेख गरे।

त्यसैगरी, उनले सिट, स्कोडा र कुप्रा ब्रान्डहरूको लागि आईडीडटएभरी१ अवधारणा प्रयोग नगर्ने फक्सवागनको निर्णयको बचाउ गरेका छन्।
सिटी कार खण्ड “पर्याप्त ठूलो नहुने” र “एउटा ब्रान्ड पर्याप्त हुनेछ र त्यो फक्सवागन हुनेछ” भनि उनले जोड दिएका छन्।

“हाम्रो नामको शाब्दिक अर्थ ‘मानिसहरूको कार’ हो। त्यसैले हामीले यो कार्य गर्ने निर्णय गर्यौं” ग्रुनिट्जले व्याख्या गरे।

प्रश्नमा रहेको उक्त सिटी कार प्रायः फक्सवागन आईडीडट१ को रूपमा चिनिन्छ। यद्यपि, हालसालै आएको समाचार अनुसार फक्सवागनले आफ्नो अर्को पुस्ताको विद्युतीय सवारी साधनहरूमा परिचित नामहरू पुनर्जीवित गर्ने उल्लेख गरिएको छ। त्यसैले अर्को वर्ष आईडीडटपोलो र सम्भवतः भीडब्ल्यू आईडीडटटिगुआन देख्ने सम्भावना रहेको टेलिग्राफले रिपोर्ट गरेको छ।

यी सबैको अर्थ “भीडब्ल्यू आईडीडट१” अब आईडीडटलुपोको रूपमा उत्पादनमा जाने सम्भावना रहेको उल्लेख गरिएको छ। यो फक्सवागनको एक स्मार्ट मार्केटिङ्ग चाल हुनेछ र २० वर्षदेखि यो नाम नसुनिएको र कुनै एक समयमा सानो सिटी कार अत्यन्त लोकप्रिय हुने गरेको छ।