काठमाडौं ।
दशैं नजिकिँदै गर्दा फोटोन नेपालले आफ्ना ग्राहकहरूलाई खुसी बनाउने उद्देश्यले आफ्ना चर्चित मोडेलहरू फोटोन ईभी भ्यान र फोटोन टीएम१ मा लिमिटेड टाइम स्पेसल अफर ल्याएको छ।
यसले नेपालीहरूको महान चाडको बेलामा गाडी लिन अझ सजिलो, लाभदायक र रमाइलो बनाउनेछ।
यो दशैंमा फोटोनले ईभी भ्यान स्किम मार्फत उत्सवलाई अझै विशेष बनाउँदैछ। ईभी भ्यान बुक गर्ने ग्राहकहरूले यामाहा बाइक, ५५” स्मार्ट टिभी, वाशिङ मेसिन र फ्रिज जस्ता आकर्षक उपहार पाउनेछन्। त्यसमा थप, हरेक बुकिङमा स्योरशट ग्याजेट सामसङ मोबाइल ए०७ (६+१२८जीबी) उपहारको रूपमा दिइनेछ, जसले यो उत्सवमा फोटोन परिवारमा जोडिन अझ सजिलो बनाउने कम्पनीको दावी छ।
यो उपहारसँगै यस अफरमा १ वर्षको पूर्ण बीमा (अटो प्लस) र क्यासलेस इन्सुरेन्स समावेश छन्। फोटोनले ग्राहकहरूको सहजताका लागि थप सुविधा स्वरूप ५ पटकसम्म नि:शुल्क सर्भिसिङ र फ्रन्ट ब्रेक प्याडको सेट पनि नि:शुल्क उपलब्ध हुनेछ। र, ग्राहकहरूका लागि अन्तिम बोनस स्वरूप, पूरा आर्थिक वर्षको रोड ट्याक्स पनि कम्पनीले नै व्यहोर्नेछ।
फोटोन टीएम१ दशैं स्किममा पनि आकर्षक अफरहरू छन्। टीएम१ अब दशैं विशेष मूल्य रु. २६,९९,००० (रु. ६,७५,००० छुटपछि) मा उपलब्ध हुनेछ। साथै हरेक खरिदकर्ताले स्योरशट बुकिङ उपहार पाउने कम्पनीले जनाएको छ।
सुरक्षा र निश्चिन्तताको लागि यस स्किममा १ वर्षको सम्पूर्ण सवारी बीमा र क्यासलेस बीमा नि:शुल्क दिइनेछ। त्यसैगरी पूरा आर्थिक वर्षको रोड ट्याक्स पनि कम्पनीले नै भर्ने भएकाले यो अफर अझै सजिलो र लाभदायक बनेको कम्पनीको दावी छ।
कम्पनीका अनुसार यी अफर मार्फत फोटोन नेपालले केवल गाडी मात्र नभई भ्याल्यु, केयर र इको-फ्रेन्डली मोबिलिटी पनि उपहार दिनेछ। ईभी भ्यान र टीएम१ दुवै कम्फर्ट, इफिसियन्सी र रिलायबिलिटीका लागि बनेका गाडीहरू हुन्, जसमा अब दशैं–तिहार बोनस पनि थपिएको छ।
प्रकाशित: ९ आश्विन २०८२, बिहीबार
