Technology Khabar ३ आश्विन २०८२, शुक्रबार
काठमाडौं ।
चिनियाँ इभी ब्राण्ड एक्सपेङ्गले दशौं हजार पी७ प्लस (P7+) इलेक्ट्रिक सेडानहरू फिर्ता बोलाइरहेको छ, जुन विगत धेरै वर्षहरूमा चिनियाँ इलेक्ट्रिक भेहिकल (इभी) निर्माताहरू माझ एक दुर्लभ घटना हो।
चीनको स्टेट एडमिनिस्ट्रेशन फर मार्केट रेगुलेसन (SAMR) वेबसाइटमा गरिएको घोषणा अनुसार, कम्पनीले सेप्टेम्बर १५ देखि अगस्ट २०, २०२४ र अप्रिल २७, २०२५ बीच उत्पादन गरिएका कुल ४७,४९० पी७ प्लस इलेक्ट्रिक सेडानहरू रिकल गर्नेछ।
रिकल गर्ने दायरा भित्रका केही सवारी साधनहरूले पावर स्टेयरिङ मोटर सेन्सर वायरिङ हार्नेसमा कमजोर सम्पर्कको कारणले गर्दा स्टेयरिङ सेन्सर सिग्नलहरूमा उतारचढाव अनुभव गर्न सक्छन्।
यसले स्टेयरिङ खराबी भएको चेतावनी दिने बत्तीलाई चहकिलो पार्न सक्छ र स्टेयरिङ असिस्ट फेल हुन सक्छ, जसले सुरक्षा जोखिम निम्त्याउने घोषणामा भनिएको छ।
सुरक्षा जोखिम हटाउन प्रभावित सवारी साधनहरूको लागि एक्सपेङ्गले स्टेयरिङ एसेम्बलीलाई नि:शुल्करुपमा सुधारिएको संस्करणले प्रतिस्थापन गर्नेछ।
यो हालैका वर्षहरूमा घरेलु चिनियाँ इभी निर्माताले गरेको दुर्लभ रिकल हो, जुन अभ्यास सामान्यतया टेस्ला, बिएमडब्लु, मर्सिडिज बेन्ज जस्ता विदेशी अटोमेकरहरूमा मात्र देखिन्छ।
पी७ प्लस आधिकारिक रूपमा नोभेम्बर ७, २०२४ मा लन्च गरिएको थियो।
प्रकाशित: ३ आश्विन २०८२, शुक्रबार
