Technology Khabar २ आश्विन २०८२, बिहीबार
काठमाडौं ।
माइक्रोसफ्टले विन्डोजमा पीसीको लागि एक्सबक्स एप भित्र भिडियो गेमहरूको नयाँ सेयर्ड लाइब्रेरी प्रस्तुत गर्ने भएको छ।
अपडेट गरिएको एपले अब स्टीम, ब्याटल डट नेट र अन्य पीसी स्टोरहरूबाट भिडियो गेमहरू प्रदर्शन गर्नेछ भने यसलाई प्रयोगकर्ताहरूले आफ्नो कम्प्युटरमा इन्स्टल गरेका सबै खेलहरूको लागि लन्चरमा परिणत गर्नेछ।
माइक्रोसफ्टले विगत केही महिनादेखि एक्सबक्स इनसाइडरहरूसँग यो सेयर्ड लाइब्रेरी परीक्षण गरिरहेको र अब यो पीसीमा एक्सबक्स एपका सबै प्रयोगकर्ताहरूको लागि उपलब्ध हुने भएको छ।
यो मुख्यतया नयाँ फुल–स्क्रिन एक्सबक्स एक्सपिरियन्सको लागि डिजाइन गरिएको बताइएको छ जुन एक्सबक्स एली डिभाइसहरूमा उपलब्ध हुनेछ। साथै यो विन्डोजमा एक्सबक्स एपलाई पीसी गेमिङको होम बनाउने माइक्रोसफ्टको प्रयासको अंश पनि भएको जनाइएको छ।
“जब तपाईं पीसीको लागि समर्थित स्टोरबाट खेल इन्स्टल गर्नुहुन्छ, यो स्वचालित रूपमा पीसीको लागि एक्सबक्स एप भित्र ‘माई लाइब्रेरी’ खण्डमा, साथै साइडबारमा ‘मोस्ट रिसेन्ट’ सूचीमा देखा पर्दछ, त्यसैले तपाईं केवल एक क्लिकमा आफ्नो मनपर्ने खेलहरूमा फर्कन सक्नुहुन्छ” एक्सबक्स एक्सपिरियन्सका उपाध्यक्ष जेसन ब्यूमन्टले व्याख्या गरे।
लाइब्रेरी इन्टिग्रेसनसँगै, माइक्रोसफ्टले पीसीको लागि एक्सबक्स एपमा नयाँ “माई एप्स” खण्ड पनि प्रस्तुत गर्दैछ, जसले पीसी गेमरहरूलाई ब्राउजर, गेम टुल्स र प्रतिस्पर्धी स्टोरहरू जस्ता तेस्रो–पक्ष एपहरू द्रुत रूपमा स्थापना गर्न र खोल्न अनुमति दिनेछ। यो नयाँ सुविधा मुख्यतया ह्यान्डहेल्ड डिभाइसहरूको लागि पनि डिजाइन गरिएको बताइएको छ जसले प्रयोगकर्ताहरूलाई विभिन्न स्टोरहरूबाट खेलहरू डाउनलोड गर्न र सुरु गर्न मद्दत गर्नेछ।
यस महिनाको अन्त्यमा, माइक्रोसफ्टले एक्सबक्स एपमा क्लाउड–प्लेबल गेम्स र गेम हिस्ट्रि पनि थप्ने जनाइएको छ जसले एक्सबक्स कन्सोल, पीसी र ह्यान्डहेल्डहरूमा हालसालै खेलिएका खेलहरूको सूची सिङ्क गर्नेछ। माइक्रोसफ्टले गत महिनादेखि नै एक्सबक्स कन्सोलहरूमा यो सुविधा ल्याउन सुरु गरिसकेको रिपोर्ट गरिएको छ।
“यो सुविधा जारी भएपछि, हालको गेम हिस्ट्रि (खेल इतिहास) फेला पार्न र छोडेको ठाउँबाट खेल सुरु गर्न तपाईंको कन्सोल, कम्प्युटर वा ह्यान्डहेल्डको होम पेजमा ‘जम्प ब्याक इन’ सूचीमा खोज्नुहोस्” भनि ब्यूमोन्टले बताएको टेलिग्राफले रिपोर्ट गरेको छ।
प्रकाशित: २ आश्विन २०८२, बिहीबार
