CLOSE
Technology Khabar ३१ भाद्र २०८२, मंगलवार
काठमाडौं ।
राष्ट्रिय परीक्षा बोर्डले यसअघि स्थगित भएको कक्षा १२ को पूरक परीक्षाको संशोधित तालिका प्रकाशन गरेको छ। बोर्डले २०८२ सालको वैशाख महिनामा सञ्चालित कक्षा १२ को वार्षिक परीक्षामा नियमित परीक्षार्थीको रूपमा (रजिस्ट्रेसन नम्बरको सुरुका दुई अङ्क ८१ भएका) परीक्षामा सहभागी भई सैद्धान्तिकतर्फ अन्य विषयमा न्यूनतम ‘डी’ वा सो भन्दा माथिल्लो ग्रेड प्राप्त गरी बाँकी दुई विषयमा एनजी प्राप्त गर्ने विद्यार्थीहरु यो परीक्षामा बस्न पाउनेछन्।
यसबाहेक सैद्धान्तिक तर्फ अन्य विषयमा ‘डी’वा सो भन्दा माथिल्लो ग्रेड प्राप्त गरी बाँकी बढीमा दुई विषयमा अनुपस्थित भएका वा सैद्धान्तिक तर्फ अन्य विषयमा ‘डी’ वा सो भन्दा माथिल्लो ग्रेड प्राप्त गरी कुनै एक विषयमा एनजी वा कुनै एक विषयमा अनुपस्थित भएका परीक्षार्थीहरूको लागि पनि मौका (पूरक) परीक्षाको तालिका प्रकाशन गरेको हो।
यसअघि तोकिएको परीक्षा जेन जी आन्दोलनका कारण स्थगित भएको थियो।
यस्तो छ तालिका
| क्र.सं. | संशोधित मिति | विषय |
| १ | असोज ७ | अनिवार्य अङ्ग्रेजी (००४१) एक विषयमा मात्र परीक्षा दिने परीक्षार्थीहरूको सबै विषय दुई विषयमा परीक्षा दिने परीक्षार्थीहरूका लागि आफूले परीक्षा दिने विषयहरू मध्येको सानो कोड नम्बर भएको विषय तर अनिवार्य अङ्रेजी र अनिवार्य नेपाली दुवै विषयका (पूरक) परीक्षामा सहभागी हुने परीक्षार्थीले पहिलो दिन अनिवार्य पी (००४१) र दोस्रो दिन अनिवार्य नेपाली (००२१) को परीक्षा दिनुपर्नेछ। |
| २ | असोज ८ | दुई विषयमा परीक्षा दिने परीक्षार्थीहरूका लागि आफूले परीक्षा दिने विषयहरू मध्येको ठूलो कोड नम्बर भएको विषय (यस दिन अनिवार्य अङ्ग्रेजी (००४१) विषयको परीक्षा सञ्चालन हुनेछैन ।) |
नियमहरु:
बोर्डका सम्बन्धित कार्यालयहरूले यसै सूचना अनुसार गर्न गराउन पनि अनुरोध गरिएको छ।
प्रकाशित: ३१ भाद्र २०८२, मंगलवार
