एप्पलले आईफोन १७ लन्च गर्यो; ठूलो १२० हर्ज डिस्प्ले, स्मार्ट क्यामरा र ए१९ चिप समावेश

काठमाडौं ।

एप्पलले आधिकारिक रूपमा आईफोन १७ लन्च गरेको छ। आईफोन १७ मा ठूलो डिस्प्ले, अगाडि र पछाडि नयाँ क्यामराहरू र शक्तिशाली ए१९ चिप प्रस्तुत गरिएको छ। यस डिभाइसको मुख्य स्पेसिफिकेशन र मूल्य विवरणहरू जाँच गरौं।

आईफोन १७ को स्पेसिफिकेशनहरूः
आईफोन १७ मा २६२२×१२०६ रिजोल्युसन र ४६०पीपीआई डेनसिटी (घनत्व) सहितको ६.३ इन्चको सुपर रेटिना एक्सडीआर ओएलईडी डिस्प्ले रहेको छ। बेस (आधार) मोडेलले अब एचडीआर, ट्रु टोन र अलवेज–अन मोडसँगै १२० हर्ज सम्मको एडाप्टिभ रिफ्रेस रेटहरू सहित प्रो–मोशनलाई समर्थन गर्दछ।

एप्पलले आउटडोर ब्राइटनेसलाई ३००० निट्समा बढाएको छ जुन आईफोन १६ को भन्दा ५० प्रतिशत बढी भएको बताइएको छ। साथै डिभाइसको अगाडिको कभरले सेरामिक शिल्ड २ प्रयोग गरेको छ जसले अघिल्लो पुस्ताको तुलनामा ३ गुणा बढी स्क्र्याच प्रतिरोध सुधार गर्ने उल्लेख गरिएको छ।

हुड मुनि, आईफोन १७ मा एप्पलको ३एनएम ए१९ चिप समावेश गरिएको छ जसमा ६–कोर सीपीयू, न्यूरल एक्सेलेरेटर्स भएको ५–कोर जीपीयू र १६–कोर न्यूरल इन्जिन समावेश छ।

चिपले स्मुथ मल्टिटास्किङ, कन्सोल–लेभल गेमिङ, र जेनमोजी, क्लिन अप र लाइभ ट्रान्सलेसन सहित एडभान्स्ड एप्पल इन्टेलिजेन्स सुविधाहरू सक्षम गर्दछ। यसले आईओएस २६ लाई रन गर्दछ, जसले लिक्विड ग्लास इफेक्टहरू र कल स्क्रिनिङ, होल्ड असिस्ट, र एपहरूमा भिजुअल इन्टेलिजेन्स जस्ता सुविधाहरू सहितको ताजा यूआई ल्याएको उल्लेख गरिएको छ।

एप्पलले १८ मेगापिक्सेल सेन्टर स्टेज फ्रन्ट क्यामराको साथ क्यामरा सेटअपमा पुनः काम गरेको बताइएको छ जसमा वाइडर फिल्ड अफ भ्यूको लागि नयाँ स्क्वायर सेन्सर, इनहान्स्ड स्टेबलाइजेसन र ग्रुप (समूह) सेल्फीहरूको लागि एआई–संचालित रोटेशन समावेश रहेको छन्।

आईफोन १७ को पछाडि, ४८ मेगापिक्सेलको डुअल फ्युजन प्रणाली उपलब्ध रहेको छ जसमा २× टेलिफोटो भएको मुख्य सेन्सर र पहिलेभन्दा ४ गुणा बढी उच्च रिजोल्युसन भएको अल्ट्रा–वाइड क्यामरा समावेश छ। साथै फोनले फोरके१२०एफपीएस डल्बी भिजन भिडियो, सिनेमेटिक मोड र अडियो मिक्सलाई समर्थन गर्दछ।

आईफोन १७ ले ३० घण्टासम्मको भिडियो प्लेब्याक समर्थन गर्दछ जुन अघिल्लो मोडेल भन्दा आठ घण्टा बढी हो। नयाँ ४०वाट डायनामिक पावर एडाप्टर प्रयोग गरेर फोन २० मिनेटमा ५० प्रतिशत सम्म चार्ज हुने बताइएको छ। साथै २५वाट सम्मको म्यागसेफ र क्यूआई२ वायरलेस चार्जिङ समर्थित हुने उल्लेख गरिएको छ।

डिभाइसमा कस्टमाइजेबल सर्टकटहरूको लागि एक्शन बटन, नयाँ क्यामरा कन्ट्रोल कि, आईपी६८ पानी र धुलो प्रतिरोध, फेस आईडी र डुअल स्टेरियो स्पिकरहरू समावेश छन्। वाई–फाई ७, ब्लुटुथ ६, थ्रेड समर्थन र नयाँ एन१ वायरलेस चिपको साथ कनेक्टिभिटी बुस्ट गरिएको छ।

मूल्य निर्धारण र उपलब्धताः
आईफोन १७ ब्ल्याक (कालो), ह्वाइट (सेतो), मिस्ट ब्लू, सेज र ल्याभेन्डरगरी पाँचओटा रङ्गहरूमा उपलब्ध हु्ने बताइएको छ। साथै यो मोडेल २५६ जीबी र ५१२ जीबी गरी दुईओटा स्टोरेज विकल्पहरूमा उपलब्ध हुनेछ। डिभाइसको २५६ जीबी भेरियण्टको मूल्य ७९९ अमेरिकी डलर रहेको छ भने ५१२ जीबीको मूल्य ९९९अमेरिकी डलर कायम गरिएको छ। साथै आईफोन १७ को प्रि–अर्डरहरू सेप्टेम्बर १२ देखि सुरु हुने रिपोर्ट गरिएको छ।

कार्यक्रममा, एप्पलले आफ्नो अहिलेसम्मको सबैभन्दा पातलो आईफोन ‘आईफोन एयर’ को साथमा वाच अल्ट्रा ३ र वाच एसई ३ (स्याटेलाइट म्यासेजिङ्ग र अपग्रेड गरिएका स्वास्थ्य सुविधाहरू सहितको) अनावरण गरेको छ। कम्पनीले त्यसका साथै कम्पनीले एयरपड्स प्रो ३ पनि प्रस्तुत गरेको छ जसले सुधारिएको एक्टिभ नोइज क्यान्सिलेसन, हार्ट रेट मनिटरिङ्ग (मुटुको दर अनुगमन) गर्ने र रियल–टाइम ट्रान्सलेसन समर्थन थप गरेको गीज्मोचाइनाले रिपोर्ट गरेको छ।