एप्पल आईफोन १७ प्रो सिरिज घोषणा, यस्ता छन फिचर र मूल्य

काठमाडौं ।

एप्पलले मंगलबारको इभेन्टमा आईफोन १७ प्रो सिरिज घोषणा गरेको छ । यसलाई कम्पनी पुन: परिभाषित गरिएको दाबी गरेको छ।

आईफोन १७ प्रो र प्रो म्याक्सको पूर्ण-चौडाइको क्यामरा प्लटाउमा नयाँ प्रो क्यामरा प्रणाली र एन्टेनाहरू समावेश छन्।

आल्मुनियम युनिबडी मार्फत द्रुत रूपमा ताप फैलाउन नयाँ थर्मल प्रणाली राखिएको छ भने सिरेमिक शिल्डले अन्य फोनहरू जस्तै पछाडि र अगाडिको भागलाई सुरक्षित गर्दछ।

यो सिल्भर, गाढा नीलो र कस्मिक ओरेन्ज कलर अप्सनमा आउनेछ।

आईफोन १७ प्रो ले यसको आईफोन १६ प्रो भन्दा ४० प्रतिशतसम्म राम्रो दिगो कार्यसम्पादन प्रदान गर्दछ। यसमा पनि आईफोन १७ को जस्तै ए १९ चिपसेट राखिएको छ।

आईफोन १७ प्रो म्याक्समा आईफोनमा अहिलेसम्मकै सबैभन्दा राम्रो ब्याट्री लाइफ छ। ईसिम मोडेलहरूमा ब्याट्री ठूलो रहेको छ र ३९ घण्टाको भिडियो प्लेब्याक गर्न सकिने बताईएको छ।

यसको अगाडि आईफोन १७ मोडलको जस्तै १८ मेगापिक्सेल सेन्टर स्टेज क्यामरा, पहिलो पटक पछाडि ४८ मेगापिक्सेलका तीन क्यामराहरू सहित छन्। तीन ओटै क्यामरा फ्युजन सिस्टममा राखिएका छन्।

यसमा वान एक्स, २ एक्स, ४ एक्स टेलिफोटो, ८ एक्स टेलिफोटो फिचर छ भने फोटोहरूको लागि डिजिटल जुम ४० एक्ससम्म छ।

प्रो मोडलहरु पनि २५६ जीबी स्टोरेजबाट सुरु हुन्छ।

आईफोन १७ मोडल ७९९ अमेरिकी डलरबाट शुरु हुनेछ भने आईफोन १७ एयर ९९९ डलरका साथै आईफोन १७ प्रो मोडल १ हजार ९९ अमेरिकी डलरबाट शुरु हुनेछ। आईफोन प्रो म्याक्सको बजार मूल्य १ हजार १९९ डलर रहेको छ।

आईफोन १७ प्रो म्याक्स २ टिबी कन्फिगरेसनमा पनि उपलब्ध रहेको छ।

यी सबै उत्पादनहरु मंगबारदेखिनै तोकिएका बजारहरुमा प्रि अर्डरका लागि उपलब्ध छन भने सेप्टेम्बर १९ देखि किन्न पाईने कम्पनीले जानकारी दिएको छ।