काठमाडौं ।
गुगलले आफ्नो प्ले गेम्स प्रोफाइलहरूमा ठूला परिवर्तनहरू गर्दैछ। सेप्टेम्बर २३ देखि,” प्ले गेम्स प्रोफाइलहरूले “नयाँ सामाजिक सुविधाहरू” प्राप्त गर्नेछन् र अन्य खेलाडीहरूलाई “गेमिङ स्ट्याट र माइलस्टोनहरू” देखाउनेछन्।
प्ले गेम्समा पहिले नै प्रोफाइलहरू रहेका छन्, तर तिनीहरू अन्य खेलाडीहरूद्वारा पहुँच गर्न गाह्रो भएको र प्रायः तपाईंको उपलब्धिहरू मात्र देखाउँछन्। गुगलको अपडेटहरूको विवरणले कुन सामाजिक सुविधाहरू थप्नेछ भन्ने बारे स्पष्ट रुपमा नबताएको तर यसले स्टीमले जस्तै कार्य गर्ने देखिएको जनाइएको छ।
स्टीममा, तपाईंको प्रोफाइल तपाईंका साथीहरूले सजिलैसँग देख्न सक्नेछन् र तिनीहरूले तपाईंले कुन खेलहरू खेल्नुभएको छ, अहिले के खेल्दै हुनुहुन्छ र ती खेलहरूमा तपाईंको उपलब्धिहरू के छन् भनेर हेर्न सक्नेछन्।
गुगल प्ले गेम्सको अपडेट सेप्टेम्बर २३ मा धेरैजसो विश्वव्यापी प्रयोगकर्ताहरूलाई स्वचालित रूपमा रोल आउट हुनेछ भने अक्टोबर १ मा बेलायत र ईयूले पनि प्राप्त गर्ने जीएसएमएरिनाले रिपोर्ट गरेको छ।
प्रकाशित: २१ भाद्र २०८२, शनिबार
