रेडमी प्याड २ प्ले बन्डल युरोपमा डेब्यू: ११ इन्चको २.५ के डिस्प्ले र ९००० एमएएच ब्याट्री समावेश

काठमाडौं ।

रेडमीले रेडमी प्याड २ को विशेष संस्करणको रुपमा प्याड २ प्ले बन्डल लन्च गरेको छ। यो नयाँ ट्याब्लेट सुरक्षात्मक केस र स्टाइलसको साथ आउने बताइएको छ। ट्याब्लेट हल्का नीलो रग्ड सिलिकन केससँग संयोजन गरिएको र पहेंलो रङ्गको ह्यान्डल समावेश रहेको छ।

प्याड २ मा २७४ पीपीआई मा २५६० × १६०० रिजोल्युसन भएको ११ इन्च २.५ के म्याट ग्लास डिस्प्ले रहेको छ। स्क्रिनले इनडोर्स (घर भित्र) र आउटडोर्स (बाहिर) क्लियर भिजिबिलिटी (स्पष्ट दृश्यता) को लागि ९७ प्रतिशत लाइट (प्रकाश) इण्टरफेरेन्स कम गर्न एजी न्यानो–टेक्सचर प्रयोग गर्दछ।

यो लो ब्लू लाइट, फ्लिकर–रहित र सर्काडियन–मैत्री पर्फर्मेन्स (प्रदर्शन) को लागि टीयूभी राइनल्याण्ड द्वारा ट्रिपल–सर्टिफाइड (प्रमाणित) गरिएको छ। ट्याब्लेटको डिस्प्लेले १.०७ बिलियन रङहरू, ९० हर्ज एडाप्टिभसिंक रिफ्रेस रेट, र ३६० हर्ज टच स्याम्पलिङ रेटलाई समर्थन गर्दछ भने स्टाइलस प्रयोग गर्दा २४० हर्ज उपलब्ध हुने जनाइएको छ। ट्याब्लेटको ब्राइटनेस सामान्य ५०० निट्स र आउटडोर मोडमा ६०० निट्समा रेटिङ गरिएको छ।

६एनएम प्रक्रियामा मिडियाटेक हिलियो जी१००–अल्ट्रा प्रोसेसरद्वारा सञ्चालित यो ट्याब्लेटमा २.२ गीगाहर्जमा २×ए७६ र २.०गीगाहर्जमा ६×ए५५ को सीपीयू कन्फिगरेसनको साथै माली–जी५७ एमसी२ जीपीयू पनि रहेको छ।

यो ट्याब्लेट ४जीबी एलपीडीडीआर४एक्स र्याम र १२८जीबी यूएफएस २.२ स्टोरेजको साथ आउँदछ जुन २टीबी सम्म विस्तार गर्न सकिने छ। साथै अपरेटिङ सिस्टम शाओमी हाइपरओएस २ भएको बताइएको छ जसमा कल सिङ्क, नेटवर्क सिङ्क र सेयर्ड क्लिपबोर्ड सुविधाहरू समावेश छन्।

ट्याब्लेटमा ९०००एमएएच ब्याट्री क्षमता रहेका छ जसले १७ घण्टासम्म भिडियो प्लेब्याक, २२ घण्टा पढ्ने, २३४ घण्टा संगीत र ८६ दिनको स्ट्यान्डबाइ समर्थन गर्दछ। ब्याट्रीले यूएसबी–सी पीडी२.० र क्यूसी२.० मार्फत १८वाटमा चार्जिङ समर्थन गर्दछ भने ट्याब्लेटमा एडाप्टर समावेश नगरिएको जनाइएको छ।

रेडमी प्याड २ प्ले बन्डलको पछाडिको क्यामरा एफ/२.० एपर्चरको साथ ८ मेगापिक्सेलको भएको र ३० एफपीएसमा १०८०पी भिडियोलाई समर्थन गर्दछ। अगाडिको क्यामरा एफ/२.२ एपर्चर भएको ५ मेगापिक्सेलको भएको र यसले १०८०पी भिडियोलाई पनि समर्थन गर्दछ। अडियोतर्फ डल्बी एटमस र हाई–रेज अडियो सर्टिसफिकेसन (प्रमाणीकरण) भएका क्वाड स्पिकरहरू समावेश गरिएका छन्।

ट्याब्लेटको कनेक्टिभिटी विकल्पहरूमा वाई–फाई ५, ब्लुटुथ ५.३ र यूएसबी २.० समावेश छन्। त्यसैगरी सेन्सरहरूमा एक्सेलेरोमिटर, भर्चुअल एम्बियन्ट लाइट सेन्सर र हल सेन्सर समावेश छन्।

रेडमी प्याड २ प्ले बन्डलको मूल्य बेलायतमा १७९ पाउन्ड स्टर्लिंग र युरोपमा १९९.९० युरो रहेको गीज्मोचाइनाले रिपोर्ट गरेको छ।