डीपसिकले सबै कन्टेन्टमा एआई लेबलहरू लगायो; तिनीहरूलाई हटाउन नसकिने

काठमाडौं ।

एआई कम्पनी डीपसिकले भर्खरै चीनमा नयाँ नियमहरू लागू गरेको छ। नयाँ नियम अनुसार कम्पनीको प्लेटफर्ममा रहेका सबै एआई–उत्पन्न कन्टेन्ट (सामग्री) लाई आर्टिफिसियल भनेर स्पष्ट रूपमा मार्क (चिन्ह) लगाउन आवश्यक पर्नेछ।

यो परिवर्तन एआई कन्टेन्ट (सामग्री) लाई अझ पारदर्शी बनाउन र मानिसहरूलाई यसको दुरुपयोग गर्नबाट रोक्नको लागि व्यापक प्रयासहरूको अंशको रूपमा आएको बताइएको छ।

कम्पनीले पठाएको एक आधिकारिक सूचनामा ‘उनीहरूको एआई प्रणालीहरूद्वारा सिर्जना गरिएको कुनै पनि चीजमा अब यो मानिसहरूद्वारा बनाइएको होइन भनेर स्पष्ट संकेतहरू समावेश हुनुपर्छ’ भनेर व्याख्या गरिएको छ। यी मार्करहरू स्पष्ट रूपमा मानिसहरूले सजिलै देख्न सक्ने र कन्टेन्ट (सामग्री) मा निर्मित लुकेका प्राविधिकहरू गरी दुई रूपहरूमा आउँछन्।

देखिने मार्करहरू “एआई–जेनेरेटेड” भनिने टेक्स्ट हुन सक्छन् जुन अडियो अनाउन्समेण्ट वा ग्राफिक्सको रुपमा कन्टेट (सामग्री) मा कतै देखा पर्नेछन्। लुकेका मार्करहरू प्राविधिक डाटामा लुकेका हुनेछन् र यो कस्तो प्रकारको सामग्री हो, कुन कम्पनीले बनाएको हो र एक अद्वितीय आईडी नम्बर जस्ता विवरणहरू समावेश गर्नेछ।

प्रयोगकर्ताहरूलाई यी लेबलहरूसँग कुनै पनि तरिकाले गडबड गर्ने अनुमति नभएको उल्लेख गरिएको छ। प्रयोगकर्ताहरूले तिनीहरूलाई हटाउन, परिवर्तन गर्न, नक्कली बनाउन वा लुकाउने प्रयास गर्न नसक्ने थप उल्लेख गरिएको छ।

डीपसिकले लेबलहरूसँग छेडछाड गर्न मद्दत गर्ने कुनै पनि टुल्स वा सेवाहरूमाथि पनि प्रतिबन्ध लगाएको छ। यदि कसैले यी नियमहरू तोडेको खण्डमा भने, उनीहरूले कानुनी परिणामहरू भोग्न सक्नेछन्।

यस घोषणासँगै, डीपसिकले उनीहरूको एआईले वास्तवमा कसरी काम गर्छ भनेर व्याख्या गर्ने विस्तृत प्राविधिक गाइड पनि जारी गरेको छ। कागजातले उनीहरूले आफ्ना मोडेलहरूलाई कसरी तालिम दिन्छन्, उनीहरूले कुन डाटा प्रयोग गर्छन् र कन्टेन्ट (सामग्री) सिर्जना गर्नुको पछाडिको प्रक्रिया जस्ता कुराहरू समेट्छ।

‘यो मानिसहरूलाई प्रविधिलाई राम्रोसँग बुझ्न, यसलाई अझ जिम्मेवारीपूर्वक प्रयोग गर्न र सबैलाई कन्टेन्ट (सामग्री) कहाँबाट आउँछ भनेर जान्न अधिकार दिनको लागि हो’ भनि कम्पनीले बताएको छ।

यी नयाँ आवश्यकताहरू केवल डीपसिकको विचार मात्र नभएको र तिनीहरूले नयाँ चिनियाँ सरकारी नियमहरू पालना गरिरहेका उल्लेख गरिएको छ।

धेरै सरकारी एजेन्सीहरूद्वारा लागू गएिको नियमहरू अनुसार अब सबै एआई–जेनेरेटेड कन्टेन्टमा लेबलहरू हुनु आवश्यक रहेको र जुन ट्र्याक गर्न सकिने तर तोडमोड गर्न नसकिने उल्लेख गरिएको छ। साथै यी एआई सेवाहरू प्रदान गर्ने कम्पनीहरू सबैले नियमहरू पालना गरिएको छ भनेर सुनिश्चित गर्नको लागि पनि जिम्मेवार हुने छन्।

सम्बन्धित समाचारहरूमा, आर२ मोडेल आउन ढिलो हुँदा डीपसिकले हालै तर्क र सामान्य कार्यहरूलाई एकताबद्ध गर्दै १२८के टोकन कन्टेक्स्ट र ६८५बी प्यारामिटरहरू सहित भी३.१ जारी गरेको छ।

यसैबीच, एनभिडियाको जीबी३०० जीपीयूहरूले डीपसिक आर१ मा एच१००एस को ६ गुणा पर्फर्मेन्स हासिल गरेको रिपोर्ट गरिएको छ जसले इन्टरप्राइज एआईको लागि प्रमुख इफिसियन्सी र स्केलेबिलिटी लाभ प्रदान गर्दछ भनि गीज्मोचाइनाले रिपोर्ट गरेको छ।