Technology Khabar १३ भाद्र २०८२, शुक्रबार
काठमाडौं ।
सुरुमा भारतीय बजारको लागि घोषणा गरिएको क्यामरा–केन्द्रित भी फोन ‘भिभो भी६०’ ले अब मलेसिया, ताइवान र भियतनाममा लन्चको साथ आफ्नो विश्वव्यापी रोलआउट सुरु गरेको छ।
मलेसियामा भिभो भी६० को ८/२५६ जीबी मोडेल पहिले नै उपलब्ध भए पनि अन्य मेमोरी विकल्पहरू उपलब्ध नभएको रिपोर्ट गरिएको छ।
तर ताइवान र भियतनाममा भने फोन अझै उपलब्ध नभएको थप उल्लेख गरिएको छ।
भियतनाममा प्रि–अर्डर अवधि भर्खरै समाप्त भए तापनि स्टोर अद्यावधिक भने अझै सम्म पनि नगरिएको टेलीग्राफले जनाएको छ।
भिभो भी६० फोनको स्पेसिफिकेसनः
भिभो भी६० ७.५ एमएमको पातलो निर्माणको बावजुद, एकदमै बलियो भएको दावी गरिएको छ। यो डिभाइस आईपी६८/आईपी६९ मूल्याङ्कन गरिएको र १.५ मिटर पानी मुनि २ घण्टासम्म डुबेको अवस्थामा पनि केही नहुने उल्लेख गरिएको छ।
भिभो भी६० को क्यामरा सेटअपमा विशेष रुपमा सोनी आईएमएक्स८८२ (१/१.९५”) सेन्सर भएको ५० मेगापिक्सेलको टेलिफोटो मोड्युल र ओआईएस भएको जाइस ३×/७३एमएम लेन्स समावेश गरिएको छ।
भिभो भी६० मा नयाँ स्न्यापड्रागन ७ जेन ४ र ९० वाट फ्ल्यासचार्ज भएको ठूलो ६,५००एमएएच सिलिकन कार्बाइड (Si/C) ब्याट्री समावेश गरिएको टेलीग्राफले रिपोर्ट गरेको छ।
प्रकाशित: १३ भाद्र २०८२, शुक्रबार
