Technology Khabar ११ भाद्र २०८२, बुधबार
काठमाडौं ।
आगामी रियलमी ८२८ फ्यान फेस्टिवलको अगाडि, कम्पनीले नयाँ प्रविधि भएका स्मार्टफोनहरूको टिजरहरू साझा गरेको छ। ब्राण्डले पहिले नै १५,००० एमएएच ब्याट्री क्षमता भएको आगामी रियलमी फोनको टिजरहरू साझा गरिसकेको छ र अब यो मोडेलसँगै बिल्ट–इन एसी सक्रिय कूलिङ प्रणाली भएको नयाँ रियलमी चिल फ्यान फोन पनि आउने भएको छ।
चिनियाँ ब्रान्डको १५,००० एमएएच फोनमा देखिएको विशाल ब्याट्रीले एक पटकको फुल चार्जमा प्रभावशाली ५० घण्टाको भिडियो प्लेब्याक प्रदान गर्ने बताइएको छ। त्यसैगरी रियलमी चिल फ्यान नामक अर्को मोडेल फोनको पनि टिजर प्रस्तुत गरिएको जनाइएको छ।
स्मार्टफोनमा भौतिक फ्यान भएको सक्रिय कूलिङ प्रणाली देखेका यो पहिलो पटक भने नभएको र धेरै गेमिङ स्मार्टफोनहरूमा यो प्रविधि उपलब्ध रहेको रिपोर्ट गरिएको छ। यद्यपि, रियलमीको चिल फ्यान फोनलाई अलग देखाउने कुरा भनेको यसको “एसी” कूलिङ प्रणाली भएको बताइएको छ।
ब्रान्डको आधिकारिक टिजर हेर्दा, रियलमीले विश्वको पहिलो “एसी“ फोनमा काम गरिरहेको देख्न सकिने र यसले कोर तापक्रममा ६ डिग्री सेल्सियससम्म कमी ल्याउने रिपोर्ट गरिएको छ।
यो नयाँ कूलिङ प्रविधिको अर्को उल्लेखनीय पक्ष भनेको यसले एसीलाई अन र अफ टगल गर्न सक्ने उल्लेख गरिएको छ। भिडियो ट्रेलरले स्मार्टफोनलाई परिचित डिजाइनको साथ साइड फ्रेममा सानो भेन्टको साथ देखाएको छ। यो भेन्टले मैनबत्ती निभाउन पर्याप्त हावा फ्याक्न सक्ने र पानीको कन्टेनरमा रबर डक (हाँस)लाई अगाडि धकेलिरहेको पनि देख्न सकिने बताइएको छ।
रियलमी ८२८ फ्यान फेस्टिवल २७ अगस्ट २०२५ मा चीनको मानक समय अनुसार बिहान ११ बजे सुरु हुँदैछ। रियलमी चिल फ्यान फोनले वास्तविक नवीनता प्रदान गर्नेछ वा यो केवल एउटा चालबाजी मात्र हो भनेर जान्नको लागि पर्खनु पर्ने गीज्मोचाइनाले रिपोर्ट गरेको छ।
प्रकाशित: ११ भाद्र २०८२, बुधबार
