डीपसिक र बाइटडान्ससँगको साझेदारीमा टेस्लाले चीनमा एआई भ्वाइस एसिस्टेण्ट लन्च गर्यो

काठमाडौं ।

टेस्लाले चीनमा आफ्ना विद्युतीय सवारी साधनहरूमा नयाँ एआई–संचालित भ्वाइस एसिस्टेण्ट प्रस्तुत गरेको छ। टेस्लाले यो सुविधा डीपसिक र बाइटडान्ससँग साझेदारीमा विकास गरेको उल्लेख गरिएको छ।

“हे टेस्ला” भनिने यो सुविधा नेभिगेसन, मिडिया र क्याबिन फङ्गसनहरूको लागि चालकहरूलाई न्याचुरल भ्वाइस कन्ट्रोल (प्राकृतिक आवाज नियन्त्रण) दिन डिजाइन गरिएको बताइएको छ।

बाइटडान्सको डोउबाओ लार्ज ल्याङ्गवेज मोडेलले एयर कण्डिसनिङ मिलाउने, रुटहरू सेट गर्ने र मनोरञ्जन नियन्त्रण गर्ने जस्ता भ्वाइस कमाण्ड (आवाजका आदेशहरू) व्यवस्थापन गर्ने टेस्लाले पुष्टि गरेको छ।

डीपसिकको च्याटबोटले समाचार, मौसम अपडेटहरू र क्याजुअल अन्तरक्रिया सहित कन्भर्सेसनल टास्क ह्यान्डल गर्ने बताइएको छ। दुबै मोडेलहरू बाइटडान्सको भलक्यानो इन्जिन क्लाउड प्लेटफर्ममा सञ्चालन हुने जनाइएको छ जसले एन्क्रिप्टेड एपीआई मार्फत रियल टाईम ( वास्तविक समय) मा अनुरोधहरू प्रोसेस गर्ने उल्लेख गरिएको छ।

कम्पनीले नयाँ सिक्स–सिट मोडेल वाई एल एसयूभीको साथ प्रणाली सुरु गरेको छ जुन अगस्टदेखि बिक्रीमा गएको उल्लेख गरिएको छ। स्टेयरिङ ह्वील बटन थिच्नु आवश्यक पर्ने चीनका पुरानो टेस्ला मोडेलहरूमा मोडेल वाई एलले वेक वाक्यांशलाई समर्थन गर्ने जनाइएको छ। चालकहरूले “हे टेस्ला” भन्न सक्ने वा एसिस्टेण्टलाई ह्यान्ड्स–फ्री सक्रिय गर्न कस्टम (अनुकूलन) शब्द सेट गर्न सक्नेछन्।

टेस्लाको साझेदारहरूको छनोटले चिनियाँ बजारको लागि सुविधाहरूलाई स्थानीयकरण गर्ने कम्पनीको प्रयासलाई प्रतिबिम्बित गरेको जनाइएको छ। बीवाईडी, नियो र एक्सपेङ जस्ता घरेलु प्रतिद्वन्द्वीहरूले पहिले नै उन्नत एआई भ्वाइस एसिस्टेण्टहरू प्रयोग गरिरहेका छन्। डीपसिक र डोउबाओ अपनाएर, टेस्लाले त्यो खाडललाई कम गर्ने र स्वदेशी ब्रान्डहरूसँग प्रत्यक्ष प्रतिस्पर्धा गर्ने लक्ष्य राखेको रिपोर्ट गरिएको छ।

संयुक्त राज्य अमेरिकामा भने टेस्लाले इलन मस्कको स्टार्टअप एक्सएआईद्वारा निर्मित एआई मोडेल ग्रोकको प्रयोग जारी राखेको छ। स्थानीय एआई प्रदायकहरूले चीनमा आफ्ना कारहरूलाई नियामक र उपभोक्ता अपेक्षाहरू पूरा गर्न शक्ति प्रदान गर्दै यो विभाजनले टेस्लाको क्षेत्रीय रणनीति देखाएको जनाइएको छ।

बीएमडब्ल्यूले पनि आफ्नो चिनियाँ लाइनअपको लागि अलीबाबाको क्यूवेन एलएलएम सँग काम गर्दै यस्तै बाटो अपनाएको उल्लेख गरिएको छ।

टेस्लाले नयाँ भ्वाइस एसिस्टेण्ट चीनका अन्य मोडेलहरूमा कहिले विस्तार हुनेछ भनेर पुष्टि गरेको छैन। कम्पनीको अपडेट (अद्यावधिक) सेवा सर्तहरूमा एकीकरणको उल्लेख भए तापनि केही मालिकहरूले उनीहरूले हालैका ओभर–द–एयर अपडेटहरूमा यो सुविधा प्राप्त नगरेको बताएका छन्।

ढिलाइका बावजुद, टेस्लाले इन–कार इन्टेलिजेन्स अब विश्वको सबैभन्दा ठूलो ईभी बजारमा प्रतिस्पर्धाको केन्द्रबिन्दु भएको संकेत गरिरहेको गीज्मोचाइनाले रिपोर्ट गरेको छ।