Technology Khabar ८ भाद्र २०८२, आईतवार
काठमाडौं ।
क्वालकमले आधिकारिक रूपमा स्न्यापड्रागन डब्ल्यू५ जेन २ वेयरेबल प्लेटफर्मको घोषणा गरेको छ। यसमा दुई चिपहरू रहेको छन् जस मध्ये एउटा नन्–प्लस मोडेलले भर्खरै गुगल पिक्सेल वाच ४ मा डेब्यु गरेको छ भने अर्को स्न्यापड्रागन डब्ल्यू५+ जेन २ मोडेलमा अतिरिक्त को–प्रोसेसर रहेको उल्लेख गरिएको छ।
वेयरेबलको लागि नयाँ एसओसी अझै पनि उही ४एनएम निर्माण प्रक्रियामा निर्माण गरिएको र तीन वर्ष पहिलेको जस्तै ४× कोर्टेक्स–ए५३ कोर भएको क्वाड–कोर सीपीयू रहेको बताइएको छ।
नयाँ एसओसीले पर्याप्त कनेक्टिभिटी सुधारहरू ल्याएको उल्लेख गरिएको छ। यसले अब न्यारोब्याण्ड नन्–टेरेस्ट्रियल नेटवर्क (एनबी–एनटीएन) लाई समर्थन गर्नेछ र सेलुलर कनेक्सन नभए पनि कनेक्ट हुन अनुमति दिनेछ। यो कठिन परिस्थिति भएका वातावरणहरुमा वा ग्रामीण क्षेत्रहरूमा मद्दत खोज्नको लागि डिजाइन गरिएको बताइएको छ।
त्यसैगरी क्वालकमले यसको लोकेशन मेसिन लर्निङ ३.० सँग जीपीएस पोजिसनिङ सटीकता ५० प्रतिशतले प्रस्तुत गरेको छ। यसले प्रायः घना शहरी वातावरणमा फाइदा पुर्याउने जनाइएको छ।
मोडेमको आकार २० प्रतिशतले घटाइएको र यसले कम पावर तान्ने उल्लेख गरिएको छ। साथै दुबै स्मार्ट वेयरेबलहरूको संसारमा उल्लेखनीय सुधारहरू ल्याउने बताइएको छ।
प्लस भेरियन्टले २२एनएम नोड–आधारित को–प्रोसेसर थपेको उल्लेख गरिएको छ जसले मुख्य एसओसी बन्द हुँदा र पावर सुरक्षित गर्दा आवश्यक प्रक्रियाहरूको ख्याल राख्ने जीएसएमएरिनाले रिपोर्ट गरेको छ।
प्रकाशित: ८ भाद्र २०८२, आईतवार
