Technology Khabar ८ भाद्र २०८२, आईतवार
काठमाडौं ।
ब्रिटिश खुद्रा कम्पनी मार्क्स एण्ड स्पेन्सरले मध्य बेलायतमा स्वचालित वितरण केन्द्र बनाउन ३४० मिलियन पाउन्ड (४५७ मिलियन डलर) लगानी गर्ने जनाएको छ। यसले आफ्नो खाद्य व्यवसायको आकार दोब्बर बनाउने लक्ष्यलाई सहयोग गर्ने क्षमता वृद्धि गर्ने कम्पनीले बिहीबार जनाएको हो।
गत अप्रिलमा भएको साइबर आक्रमणका कारण अनलाइन कारोबार प्रभावित बनेको अवस्थाबाट पुनः उभिँदै गरेको एम एण्ड एसले १३ लाख वर्गफुट क्षेत्रफलमा फैलिने यो केन्द्र डाभेन्ट्रीमा २०२९ मा सञ्चालनमा आउने जनाएको छ। यस स्थलमा स्थायी रूपमा १,००० रोजगारी सिर्जना हुने र निर्माण अवधिमा २,००० रोजगार अवसर खुल्ने कम्पनीले जनाएको छ।
“यो लगानीले भविष्यको वृद्धिलाई सहयोग गर्नेछ, दीर्घकालीन लागत घटाउनेछ र उत्पादन उपलब्धता सुधार गर्नेछ,” एम एण्ड एस फुडका प्रबन्ध निर्देशक एलेक्स फ्रयुडम्यानले भने।
बुधबार प्रकाशित उद्योग तथ्यांकअनुसार, साइबर आक्रमणको असर कम भएपछि गत अगस्ट ९ मा समाप्त १२ हप्तामा एम एण्ड एसको खाद्य बिक्री वार्षिक आधारमा ६.७ प्रतिशत बढेको देखिएको छ।
बजार अनुसन्धानकर्ता निल्सेनआईक्यूका अनुसार, बेलायतको किराना बजारमा एम एण्ड एसको हिस्सा ३.७ प्रतिशत रहेको रोयटर्सले उल्लेख गरेको छ।
प्रकाशित: ८ भाद्र २०८२, आईतवार
