सामसङद्वारा विश्वको पहिलो माइक्रो आरजीबी डिस्प्ले प्रविधि अनावरण

काठमाडौं ।

सामसङले विश्वको पहिलो माइक्रो आरजीबी डिस्प्ले प्रविधिको अनावरण गरेको छ। सामसङले टिभीहरूको लागि अर्को ठूलो कुराको रूपमा माइक्रो आरजीबीलाई प्रस्तुत गर्दै यसले “सब–१००–माइक्रोमिटर एलईडीहरू भन्दा कमको साथ असाधारण कलर एक्युरेसी” प्रदान गर्ने बताएको छ। सामसङले यो प्रविधि पहिलो पटक आफ्नो ११५ इन्चको डिस्प्लेमा प्रयोग गरेको छ।

यसले सामसङको स्वामित्वको माइक्रो आरजीबी प्रविधि प्रयोग गर्दछ, जसले व्यक्तिगत रूपमा नियन्त्रित रातो, हरियो र नीलो माइक्रो आरजीबी एलईडीहरूलाई प्यानल पछाडि उत्कृष्ट ढाँचामा व्यवस्थित गर्दछ। यो वास्तुकलाले “प्रत्येक रातो, हरियो र नीलो आरजीबी एलईडीमा सटीक नियन्त्रण सक्षम गर्ने” सामसङले बताएको छ।

एआई इन्जिनद्वारा सञ्चालित हुने यो प्रविधिले रियल टाइम (वास्तविक समय) मा प्रत्येक फ्रेमको विश्लेषण गर्दछ र कलर (रङ) आउटपुटलाई अप्टिमाइज गर्दछ।

माइक्रो आरजीबी कलर बूस्टर प्रोले डल कलर (नीरस रङ) टोन भएका दृश्यहरू पहिचान गर्दछ र “थप जीवन्त र इमर्सिभ भ्यूइङ्ग एक्सपिरियन्सको लागि” सम्पूर्ण कन्टेन्टमा रङहरूलाई “वृद्धि” गर्दछ। साथै जेनेरेटिभ एआईद्वारा सञ्चालित “स्मार्ट बिक्सबी” बिल्ट–इन पनि रहेको छ भने नक्सद्वारा डिस्प्ले सुरक्षित गरिएको छ।

माइक्रो आरजीबी प्रिसिजन कलरका कारण गर्दा, डिस्प्लेले बीटी.२०२० को १०० प्रतिशत कभरेज प्राप्त गर्दछ, र ग्लेयर फ्री टेक्नोलोजीले ब्राइट लाइटिङ (उज्यालो प्रकाश भएको) अवस्थाहरूमा रिफ्लेक्सन (प्रतिबिम्ब) लाई कम गर्दछ। त्यसैगरी सामसङले टिजेन ओएसको लागि सात वर्षको अद्यावधिकहरूको वाचा गरेका छ।

माइक्रो आरजीबी डिस्प्ले पहिलो पटक कोरियामा लन्च हुँदैछ भने त्यसपछि यसलाई अमेरिका पनि सार्वजनिक गरिने उल्लेख गरिएको छ। त्यसैगरी विश्वव्यापी रोलआउटको योजनाको साथ “ग्राहकको आवश्यकता पूरा गर्न विभिन्न आकारहरू प्रस्तुत गर्ने” कम्पनीले योजना बनाएको जीएसएमएरिनाले रिपोर्ट गरेको छ।