भारतमा एयरटेलका ग्राहक भन्छन्-कम्पनीले अफरमा दिएको पर्क्प्लेक्सिटी एआईको प्रो-लाइट संस्करण मात्र हो

काठमाडौं ।

भारतमा एयरटेल योजनासँग पर्क्प्लेक्सिटी एआईको अफरमा नयाँ आरोपहरू लागेका छन्, जसमा कम्पनीले यी सदस्यता लिएका ग्राहकलाई आफ्नो प्रिमियम प्लानको प्रो-लाइट संस्करण मात्र उपलब्ध गराएको दावी गरिएको छ। एयरटेल एआई अफरले एक वर्षको योजनासँग करिब १७ हजार रुपैयाँ बराबरका सुविधा दिने दावी गरेकोमा रेडिटमा आएको हालको पोस्टले यो निःशुल्क एआई अफरको प्रदर्शन सन्तोषजनक नभएको उल्लेख गरेको छ।

यी आरोपहरू पर्क्प्लेक्सिटीलाई मन परेको छैन र कम्पनीले यी दावीहरू अस्वीकार गर्दै उक्त निःशुल्क एआई अफरमा सबै प्रिमियम सुविधाहरू हुने वाचा गरेको छ।

कम्पनीका जेसी ड्वायरलाई उद्धृत गर्दै एक प्रतिवेदनमा भनिएको छ, “एयरटेल ग्राहकहरूले पर्क्प्लेक्सिटी प्रोको हाम्रो प्रो सब्स्क्राइबरभन्दा फरक संस्करण पाउँछन् भन्ने कुरा पूर्ण रूपमा गलत हो। भारत हाम्रो लागि निकै महत्वपूर्ण बजार हो र हामी भारतीय पाठकका लागि यो भ्रमलाई हटाउने आशा गर्छौं।”

फाइनान्सियल एक्सप्रेसमा प्रकाशित उद्धरणमा कम्पनीबारे फैलिएको गलत जानकारी र कसरी मानिसहरूले आफ्नो पहुँच बढाउन यसको प्रयोग गरिरहेको दाबीसम्बन्धी चिन्ता पनि समावेश गरिएको छ।

यो वक्तव्य उक्त पोस्टले एयरटेल प्रयोगकर्ताका लागि रहेको निःशुल्क एआई अफरले पूर्ण पर्क्प्लेक्सिटी एआई प्याकेज उपलब्ध गराउन नसकेको बताएपछि आएको हो। पोस्टमा एयरटेल नम्बरसँग जोडिएको पर्क्प्लेक्सिटी प्रो संस्करण ढिलो, स्रोत उद्धृत नगर्ने र उत्तर प्रभावशाली नहुने दावी गरिएको न्युज१८ ले उल्लेख गरेको छ।

एयरटेल प्रयोगकर्ताले आफ्नो मोबाइल वा ब्रोडब्यान्ड योजनासँग एक वर्षका लागि पर्क्प्लेक्सिटी प्रो एआई सदस्यता निःशुल्क पाउन सक्छन्। यसका लागि एयरटेल एपमार्फत अफर दावी गरेर एआई सेवा र यसको सबै सुविधा प्रयोग गर्न सकिन्छ।

पर्क्प्लेक्सिटी प्रो, च्यटजीपीटी प्लस र जेमिनी एआई प्रोजस्तै प्रिमियम एआई सेवा हो, जसले विभिन्न सुविधा र क्लोद जस्ता एआई मोडेलमा पहुँच उपलब्ध गराउँछ।