सामसङले पक्का गर्यो एस२५ मा एण्ड्रोइड १६ अपडेटको मिति

काठमाडौं ।

सामसङको वन यूआई ८ बीटा कार्यक्रम पछिल्ला केही हप्तामा तीव्र गतिमा अघि बढेको छ र कम्पनीसँग अब यसको नयाँ संस्करणको पूर्ण अपडेट कहिले आउने भन्नेबारे स्पष्ट समयरेखा पनि आएको छ। यस वर्षको सुरुमा वन यूआई ७ ढिलो भएको अनुभवपछि सामसङ यसपटक वन यूआई ८ बीटामा निकै छिटो देखिएको छ।

कम्पनीले नयाँ फोल्ड र फ्लिप मोडेलहरूलाई एन्ड्रोइड १६ भर्सनसहित बजारमा ल्याइसकेको छ र चाँडै यो यस वर्षको सुरुमा आएको प्रिमियम लाइनअपमा पनि आउनेछ।

२०२५ को ग्यालेक्सी एस२५ सिरिजका चारवटै मोडेलमा वन यूआई ८ को आधिकारिक अपडेट सेप्टेम्बरमा आउने

सामसङले पुष्टि गरेको छ। कम्पनीले निश्चित मिति नबताए पनि आगामी केही साताभित्र नयाँ एन्ड्रोइड १६ अपडेट उपलब्ध हुने अपेक्षा गरिएको छ।

न्युज१८ का अनुसार सामसङले जनवरीमा ग्यालेक्सी एस२५ लाइनअपसँगै वन यूआई ७ ल्याएको थियो र यो एन्ड्रोइड १६ अपडेट पाउने पहिलोमध्ये एक हुनेछ। कम्पनीले भनेको छ, “अपडेट ग्यालेक्सी एस२५ सिरिजबाट सुरु हुनेछ र क्रमशः अन्य योग्य उपकरणहरूमा पुर्‍याइनेछ।”

यसका साथै, सामसङले अर्को महिना सुरु हुने वन यूआई ८ बीटा कार्यक्रमका लागि अन्य उपकरणहरूको रोडम्याप पनि सार्वजनिक गरेको छ।

कम्पनीका अनुसार ग्यालेक्सी एस२३ सिरिज, जेड फोल्ड५, जेड फ्लिप५, ए३६ ५जी, ए५५ ५जी, ए३५ ५जी र ए५४ मोडेलहरू वन यूआई ८ बीटा संस्करणका लागि योग्य हुनेछन्। यी उपकरण प्रयोगकर्ताले सामसङ मेम्बर्स एपमार्फत बीटा कार्यक्रममा दर्ता गर्न सक्नेछन्। वन यूआई ८ ले मल्टिमोडल क्षमतामार्फत प्रयोगकर्ताको वास्तविक समयको सन्दर्भ बुझ्ने र अझ स्वाभाविक अन्तरक्रिया सम्भव बनाउने स्मार्ट र सुविधाजनक एआई अनुभव प्रदान गर्छ।

ग्यालेक्सी वाचका लागि अपडेट चक्र पनि सार्वजनिक भएको छ। कम्पनीका अनुसार वन यूआई ८ वाच यस वर्षको अन्त्यतिर ग्यालेक्सी वाच ८ सिरिजभन्दा बाहेकका अन्य मोडेलहरूमा पनि विस्तार गरिनेछ।

गुगलले यस महिनाको अन्त्यतिर पिक्सेल १० सिरिज ल्याउनेछ र यो पहिलोपटक हुनेछ कि यसले नयाँ एन्ड्रोइड संस्करणलाई आउट अफ द बक्स पाउने पहिलो उपकरणको रूपमा स्थान पाउनेछैन।