नयाँ अध्ययनले देखायो आणविक युद्धले विश्वलाई भोकमरीबाट कसरी मार्न सक्छ भन्ने तथ्य

काठमाडौं ।

ठूलो मात्राको आणविक द्वन्द्वबाट हुने न्यूक्लियर विन्टर (आणविक जाडो) ले वर्षौंसम्म सूर्यको प्रकाशलाई छेक्न सक्छ, जसले विश्वव्यापी खाद्य उत्पादनमा नाटकीय रूपमा कमी ल्याउन सक्ने अध्ययनले चेतावनी दिएको छ।

पेन्सिलभेनिया स्टेट युनिभर्सिटीका वैज्ञानिकहरूले गरेको नयाँ अध्ययनले ठूलो मात्रामा आणविक द्वन्द्वले तत्काल विस्फोट क्षेत्रहरूभन्दा बाहिर विश्वव्यापी खाद्य आपूर्तिमा विनाशकारी प्रभाव पार्न सक्छ भन्ने सुझाव दिएका छन्। “न्यूक्लियर विन्टर” (आणविक जाडो) को प्रभावहरूको नक्कल (सिमुलेट) गर्ने अनुसन्धानले वायुमण्डलमा कालो र धुलोको कारणले हुने सूर्यको प्रकाशमा उल्लेखनीय गिरावटले वर्षौंसम्म व्यापक बाली विफलता निम्त्याउन सक्छ संकेत गर्दछ।

अध्ययनले विश्वमा सबैभन्दा बढी उब्जाउ हुने अन्न मकैलाई विश्वव्यापी कृषिमा सम्भावित प्रभावहरूको मोडेलको प्रतिनिधि गर्ने बालीको रूपमा प्रयोग गरेको थियो। निष्कर्षहरूले खाद्य उत्पादनमा आणविक युद्धको दूरगामी र दीर्घकालीन परिणामहरूलाई हाइलाइट गरेको छ जसले विश्वव्यापी जनसंख्याको लागि गम्भीर खतरा निम्त्याउने उल्लेख गरिएको छ।

यो अध्ययन इन्भायोरमेण्टल रिसर्च लेटर्स जर्नलमा प्रकाशित भएको एनडीटिभीले रिपोर्ट गरेको छ।

“५० लाख देखि १६५ करोड टन सम्मको सुट इंजेक्शनको साथ हामीले बढ्दो गम्भीरताको ५ आणविक युद्ध परिदृश्यहरू अन्तर्गत ३८,५७२ स्थानहरूमा मकै उत्पादनको नक्कल गर्यौं” पेन्सिलभेनिया स्टेटका वनस्पति वैज्ञानिक र मौसमविद् युनिङ शिले भने। “यो अनुसन्धानले विनाशकारी जलवायु अवरोधहरूको प्रतिक्रियामा विश्वव्यापी कृषिको लचिलोपन र अनुकूलनको हाम्रो बुझाइलाई अगाडि बढाउँछ”।

आणविक विस्फोट पछि कृषिमा यूभीबी रेडियसन (विकिरण) को क्षतिको हद अनुमान गर्ने यो पहिलो अध्ययनमा अनुसन्धानकर्ताहरूले विश्वव्यापी युद्ध पछि ६ देखि ८ वर्ष पछि चरम सीमामा पुग्ने अनुमान गरेको थिए। यसले मकै उत्पादनमा थप ७ प्रतिशतले कटौती गर्न सक्ने र सबैभन्दा खराब अवस्था भनेको मकै उत्पादन कुल ८७ प्रतिशतले गिरावट आउने उनीहरूले अनुमान गरेका छन्।

पृथ्वीको वायुमण्डलमा उच्च ओजोनले सूर्यबाट ग्रहले प्राप्त गर्ने यूभी रेडियसन (विकिरण) को ठूलो भागलाई प्रभावकारी रूपमा अवशोषित गर्दछ, तर आणविक युद्धले यो क्षमतालाई नष्ट गर्नेछ भनि शिले व्याख्या गरे।

“आणविक विस्फोटको विस्फोट र आगोको गोलाले स्ट्र्याटोस्फियरमा नाइट्रोजन अक्साइड उत्पादन गर्दछ” उनले भने। “नाइट्रोजन अक्साइड र शोषक सुटको तापबाट दुवैको उपस्थितिले ओजोनलाई द्रुत रूपमा नष्ट गर्न सक्छ, जसले पृथ्वीको सतहमा यूभी–बी रेडियसन (विकिरण) को स्तर बढाउँछ। यसले बिरुवाको तन्तुलाई क्षति पुर्याउँछ र विश्वव्यापी खाद्य उत्पादनलाई थप सीमित गर्दछ” भनि शिले थप व्याख्या गरे।