Technology Khabar २४ श्रावण २०८२, शनिबार
काठमाडौं ।
सोनी इन्डियाले कन्टेन्ट क्रियटर, स्टुडियो प्रसारकहरू र फिल्ममेकरहरूलाई लक्षित गरी नयाँ व्यावसायिक इमेजिङ र अडियो गियर प्रस्तुत गरेको छ।
कम्पनीले सटीक अडियो रेकर्डिङको लागि कम्प्याक्ट, हाई–रेजोल्युसन एक्सएलआर शटगन माइक्रोफोनसहितको एआई–सञ्चालित अटोफोकस र सब्जेक्ट रिकग्निसन (विषय पहिचान) सुविधाहरूले सुसज्जित दुईओटा नयाँ फोरके ह्याण्डहेल्ड क्यामकर्डरहरू घोषणा गरेको छ।
यी डिभाइसहरू प्रसारण, ओटीटी, वृत्तचित्र र शैक्षिक सामग्री निर्माण गर्ने जस्ता कार्यहरूलाई समर्थन गर्ने उद्देश्यले ल्याइएको उल्लेख गरिएको छ।
एआई–सञ्चालित पीएक्सडब्ल्यू–जेड२०० र एचएक्सआर–एनएक्स८०० फोरके क्यामाकर्डरहरू
भर्खरै लन्च गरिएका पीएक्सडब्ल्यू–जेड२०० र एचएक्सआर–एनएक्स८०० क्यामकर्डरहरू मोबिलिटी र प्रिसिजनको लागि डिजाइन गरिएको बताइएको छ जसमा १.०–प्रकारको एक्समोर आरएस सीएमओएस सेन्सर र २०x अप्टिकल जुम भएको सोनीको जी लेन्स रहेको छ जुन क्लियर इमेज जुम प्रयोग गरेर डिजिटल रूपमा एचडीमा ४०x सम्म विस्तार हुन्छ।
एआई–आधारित अटोफोकस र रियल–टाइम सब्जेक्ट रिकग्निसनले सटीक ट्र्याकिङ र फ्रेमिङ सक्षम पार्दै फोरके ६०पी र १२०पी रेकर्डिङको लागि समर्थनले लचिलोपन बढाउने उल्लेख गरिएको छ। नयाँ बीआईओएनजेड एक्सआर इमेज प्रोसेसर र एआई–प्रोसेसिङ युनिटले यी क्षमताहरूलाई ड्राइभ गर्दछ।
प्रत्येक क्यामकर्डरमा भेरियबल एनडी फिल्टर, फोकस र जुममा द्रुत नियन्त्रणको लागि डुअल लेन्स रिङ्गहरू र कस्टम सञ्चालनको लागि असाइनेबल बटनहरू एकीकृत गरिएको छ।
कनेक्टिभिटीतर्फ एचडीएमआई, यूएसबी–सी, एलएएन (ल्यान) र एसडीआई (पीएक्सडब्ल्यू–जेड२०० मा), आरटीएमपी, एसआरटी, एफटीपी मार्फत क्लाउड–आधारित स्ट्रिमिङको साथ एक्सएभीसी ढाँचाहरूको लागि समर्थन उपलब्ध रहेको छ।
तिनीहरूको डिजाइनमा पुनर्नवीनीकरण सामग्री, फोल्डेबल भ्यूफाइन्डरहरू र हटाउन सकिने माइक होल्डरहरू समावेश छन्। पीएक्सडब्ल्यू–जेड२०० को मूल्य ४,६०,९९० भारतीय रुपैयाँ र एचएक्सआर–एनएक्स८०० को मूल्य ३,८०,९९० भारतीय रुपैयाँ कायम गरिएको छ।
कम्प्याक्ट ईसीएम–७७८ माइक्रोफोन
सोनीले ईसीएम–७७८ एक्सएलआर शटगन माइक्रोफोन पनि अनावरण गरेको छ। यसको मूल्य ९८,९९० भारतीय रुपैयाँ कायम गरिएको छ। १०२ ग्राम तौल र १७६ एमएम लम्बाइको साथ यो बहुमुखी सेटअपहरूको लागि तयार पारिएको जनाइएको छ।
यसको नयाँ डिजाइन गरिएको क्याप्सुल, ब्रास अकुस्टिक ट्यूब, र रिफाइण्ड सर्किटरीले स्थिर मध्य–निम्न र क्रिस्प हाई फ्रिक्वेन्सीहरू प्रदान गर्दछ। लो–कट फिल्टर, डुअल विन्ड स्क्रिनहरू र एल्युमिनियम हाउजिङले स्थायित्व र नोइज आइसोलेसनमा योगदान पुर्याउने बताइएको छ र जसले गर्दा यो बाहिरी र स्टुडियो दुवै प्रयोगको लागि उपयुक्त हुने गीज्मोचाइनाले रिपोर्ट गरेको छ।
प्रकाशित: २४ श्रावण २०८२, शनिबार
