क्वालकमको एसएम ८८४५ चिपलाई स्न्यापड्रागन ८ जेन ५ भनिने

काठमाडौं ।

क्वालकमले अर्को महिना स्न्यापड्रागन शिखर सम्मेलन आयोजना गर्दैछ। कम्पनीले सम्मेलनमा आफ्नो नयाँ फ्ल्यागशिप चिप प्रस्तुत गर्ने अपेक्षा गरिएको छ।

साथै अर्को वर्ष अधिकांश एन्ड्रोइड फ्ल्यागशिपहरूमा उक्त चिपलाई समावेश गरिने बताइएको छ। उक्त चिपको मोडेल नम्बर एसएम ८८५० रहेको बताइएको छ र यसलाई स्न्यापड्रागन ८ एलिट २ वा स्न्यापड्रागन ८ एलिट जेन २ भनिने उल्लेख गरिएको छ।

मोडेल नम्बर एसएम ८८४५ भएको अर्को हाई–इण्डको स्न्यापड्रागन चिपको हल्ला पनि फैलिएको छ र लोकप्रिय लीकस्टर डिजिटल च्याट स्टेशनका अनुसार, यसलाई स्न्यापड्रागन ८ जेन ५ भनिने सम्भावना रहेको उल्लेख गरिएको छ।

यो नयाँ चिप स्न्यापड्रागन ८क जेन ४ को उत्तराधिकारी हुने स्न्यापड्रागन ८एस जेन ५ नभएको भन्ने तथ्यमा ध्यान दिन आग्रह गरिएको छ। स्न्यापड्रागन ८ जेन ५ स्न्यापड्रागन ८एस जेन ५ भन्दा माथिल्लो तहको हुनेछ भने स्न्यापड्रागन ८ एलिट २ भन्दा तलको तहको हुनेछ।

यदि यो अफवाह सत्य भएको खण्डमा भने, यसले क्वालकमको नामकरण परम्परामा महत्त्वपूर्ण परिवर्तनलाई जनाउने छ। स्न्यापड्रागन ८ जेन ३ फ्ल्यागशिप चिप लन्च गरेपछि क्वालकमले नयाँ नामकरण परम्परा अपनाएको थियो र स्न्यापड्रागन ८ जेन ४ भनिने अपेक्षा गरिएको कुरालाई स्न्यापड्रागन ८ एलिट को रूपमा प्रस्तुत गरेको थियो।

एसएम ८८४५ एसओसीलाई जे नाम दिइने भए पनि, यो अर्को महिना हवाईमा हुने स्न्यापड्रागन शिखर सम्मेलनमा स्न्यापड्रागन ८ एलिट २ एसओसी सँगसँगै आधिकारिक रूपमा सार्वजनिक हुनेछ वा पछि प्रस्तुत गरिनेछ भन्ने कुरामा स्पष्टत नभएको जीएसएमएरिनाले रिपोर्ट गरेको छ।