काठमाडौं ।
सामसङले आफ्नो त्रैमासिक वित्तीय प्रतिवेदन प्रकाशित गरेको छ। प्रतिवेदनका अनुसार कम्पनीको सेमीकण्डक्टर व्यवसायमा ठूलो धक्का लागेकोले कुल सञ्चालन नाफा ५० प्रतिशत भन्दा बढीले घटेको छ।
प्रतिकूल वित्तीय नतिजाहरूको बावजूद, आम्दानी विवरणले कम्पनीको आगामी एक्जिनोस २६०० चिपको लागि राम्रो स्थानको खुलासा गरेको छ। यो चिपसेट सामसङ फाउन्ड्रीको २एनएम गेट–अल–अराउन्ड (जीएए) प्रक्रियामा फ्याब गरिनेछ भने ग्यालेक्सी एस२६ सिरिजसँगै लन्च भएपछि बजारमा पहिलो २एनएम चिपसेट हुनेछ।
एक्जिनोस २६०० सामसङ फाउन्ड्री मार्फत पछिल्लो २एनएम जीएए प्रक्रियामा निर्मित पहिलो प्रमुख चिपसेट हुनेछ र यसले डिभाइसमा एआई कार्यक्षमताको लागि बढाइएको समर्थनको साथ अघिल्लो संस्करणको तुलनामा एनपीयू प्रदर्शनमा उल्लेखनीय सुधार प्रदान गर्दछ।
आगामी एक्सिनोस २६०० चिपसेट २एनएम गेट–अल–अराउन्ड (जीएए) प्रक्रियामा फ्याब गरिने सामसङले पुष्टि गरेको छ।
लीक भएको गीकबेन्च सूची अनुसार, एक्सिनोस २६०० मा एक्सिनोस २५०० जस्तै तर अलटर्ड कोर व्यवस्थाको साथ टेन–कोर सीपीयू हुनेछ।
एक्सिनोस २६०० ले १+३+६ कन्फिगरेसन प्रदान गर्नेछ जस अनुसार एउटा प्राइम कोर ३.५५ गीगाहर्जमा क्लक गरिएको हुनेछ, ३x पर्फमेन्स कोर २.९६ गीगाहर्जमा रन हुनेछ र ६x इफिसियन्सी युनिटहरू २.४६ गीगाहर्जमा चल्ने गीकबेन्च सूचीले जनाएको छ। सीपीयूमा एक्सक्लिप्स ९६० जीपीयू जोडिनेछ र जसले क्वालकमको स्न्यापड्र्यागन ८ एलिट भित्र एड्रेनो ८३० ले भन्दा १५ प्रतिशत सम्म राम्रो प्रदर्शन प्रदान गर्ने अपेक्षा गरिएको छ।
एक्सिनोस २६०० चिपसेटले ग्यालेक्सी एस२६ प्रो र एस२६ एजमा डेब्यू गर्ने अपेक्षा गरिएको छ भने एस२६ अल्ट्राले क्वालकमको प्रमुख स्न्यापड्र्यागन ८ एलिट २ समावेश गर्ने जीएसएमएरिनाले रिपोर्ट गरेको छ।
प्रकाशित: १७ श्रावण २०८२, शनिबार
