ह्वावेको अर्को ट्राई–फोल्ड स्मार्टफोन ‘लीक’

काठमाडौं ।

ह्वावेले गत वर्षको सेप्टेम्बरमा विश्वको पहिलो ट्राई–फोल्ड स्मार्टफोन मेट एक्सटी लन्च गरेको थियो। यस डिभाइसको एक वर्षको वार्षिकोत्सव अब केही हप्ता मात्र टाढा रहेको छ।

यसै उपलक्षमा, ह्वावेले नयाँ र सुधारिएको ट्राई–फोल्ड स्मार्टफोन लन्च गर्ने हल्ला चलिरहेको छ। सुरुमा मेट एक्सटी २ भनिने अनुमान गरिएको भए तापनि चीनबाट आएको एउटा नयाँ हल्लाले त्यसको सट्टा अब यस डिभाइसलाई मेट एक्सटीएस भनिने दाबी गरेको छ। साथै यो डिभाइस पूर्ण रूपमा पुनः निर्माण गरिएको डिभाइस नहुने कुरालाई विचार गर्दा यो नाम सायद बढी उपयुक्त हुने जस्तो देखिएको उल्लेख गरिएको छ।

यो डिभाइस नयाँ चिपसेट, सुधारिएको क्यामरा र नयाँ रङहरुमा सुधारिएको प्रदर्शनको साथ आउने भनिएको छ। बाँकी सबै कुरा भने आफ्नो मूल पूर्ववर्तीको जस्तै रहनेछ। ह्वावेले चीनमा लन्च भएदेखि नै मेट एक्सटीको ५००,००० भन्दा बढी एकाइहरू बिक्री गरेको उल्लेख छ। डिभाइसको धेरै प्रतिबन्धात्मक मूल्यको बावजुद ह्वावेले राम्रो बिक्री गर्न सफल भएको थप उल्लेख गरिएको छ।

मेट एक्सटीएस सेतो, कालो, रातो र बैजनी रङ्गमा आउने भएको छ भने यसको पूर्ववर्ती मात्र दुईओटा रङ्ग विकल्पहरूमा उपलब्ध हुने गरेको छ। यो डिभाइस आगामी सेप्टेम्बरमा आउने जीएसएमएरिनाले रिपोर्ट गरेको छ।