Technology Khabar ११ श्रावण २०८२, आईतवार
काठमाडौं ।
यदि तपाईंको जिमेल इनबक्स भरिएको छ र नयाँ इमेलहरू आउँदैनन् भने, त्यसबाट कसरी छुटकारा पाउने भन्ने चिन्ता हुनु स्वभाविक हो। आजको समयमा, प्रचारात्मक इमेलहरू, न्यूजलेटरहरू, बैंक तथा र वित्तीय कारोबार इमेलहरूको आगमनको कारणले इनबक्स धेरै छिटो भरिन्छ। हाल, जिमेलले प्रयोगकर्ताहरूलाई नि:शुल्क १५ जीबी भण्डारण प्रदान गर्दछ जुन जीमेल, गुगल ड्राइभ र गुगल फोटोज बीच साझा गरिएको हुन्छ।
त्यसैले यो समस्या समाधान गर्न, तपाईंले आफ्नो इनबक्स बेला बेलामा सफा गर्नुपर्छ। तर प्रत्येक इमेल म्यानुअल रूपमा मेटाउन घण्टौं लाग्न सक्छ। यहाँ हामी तपाईंलाई एकैपटक इमेलहरू कसरी डिलिट गर्ने भनेर बताउँदैछौं।
यहाँ केही सुझावहरू छन् जसको मद्दतले तपाईं एकसाथ इमेलहरू मेटाएर आफ्नो जीमेल स्टोरेज खाली गर्न सक्नुहुन्छ।
अनसब्सक्राइब ट्याग भएका सबै इमेलहरू मेटाउनुहोस्
तपाईंको जिमेलबाट सबै मार्केटिङ इमेलहरू हटाउन, यी चरणहरू पालना गर्नुहोस्:
वेब ब्राउजरमा जिमेल खोल्नुहोस् र इनबक्समा क्लिक गर्नुहोस्।
सर्च बार (खोज पट्टी)मा अनसब्सक्राइब टाइप गर्नुहोस् र इन्टर थिच्नुहोस्।
यसले तपाईंलाई अनसब्सक्राइब विकल्प भएका सबै मार्केटिङ इमेलहरू देखाउनेछ। जानकारीको लागि, कम्पनीहरूले अनसब्सक्राइब विकल्प प्रदान गर्नु कानुनी रूपमा अनिवार्य छ।
यी सबै इमेलहरू एकैचोटि मेटाउन, इमेलहरूको सूचीको ठीक माथि र रिफ्रेस बटनको बायाँपट्टि माथिल्लो बायाँ कुनामा रहेको सानो चेकबक्समा क्लिक गर्नुहोस्। यसले पहिलो पृष्ठमा देखा पर्ने सबै इमेलहरू चयन गर्नेछ।
तपाईं सेलेक्ट अल (सबै चयन गर्नुहोस्) मा पनि क्लिक गर्न सक्नुहुन्छ। अब ब्लू नोटिफिकेसन देखा पर्नेछ, जसले ‘सिलेक्ट अल कन्भर्सेशन द्याट म्याच दिस सर्च (यस सर्च सँग मेल खाने सबै कुराकानीहरू चयन गर्नुहोस्)’ भन्नेछ।
सबै इमेलहरू चयन गरिसकेपछि, स्क्रिनको शीर्षमा रहेको ट्र्याश क्यान रद्दीटोकरी आइकनमा क्लिक गर्नुहोस्। यसले सबै चयन गरिएका इमेलहरूलाई रद्दीटोकरी फोल्डरमा सार्नेछ।
यदि तपाईं प्रमोशन वा सोशल जस्ता अन्य ट्याबहरूबाट इमेलहरू मेटाउन चाहनुहुन्छ भने, ती ट्याबहरूमा जानुहोस् र यस प्रक्रिया दोहोर्याउनुहोस्।
कुनै खास सेण्डर वा समय अवधिबाट इमेलहरू कसरी मेटाउने ?
विशिष्ट प्रेषक (सेन्डर) बाट वा निश्चित समय अवधि भित्र पठाइएका इमेलहरू मेटाउन, तपाईंले यो गर्न सक्नुहुन्छ:
प्रकाशित: ११ श्रावण २०८२, आईतवार
