Technology Khabar ११ श्रावण २०८२, आईतवार
काठमाडौं ।
मिडियाटेकको आगामी डाइमेन्सिटी ९५०० एसओसीको सीपीयू कम्पनीको इतिहासमा पहिलो पटक ४ गिगाहर्ज थ्रेसहोल्ड पार गर्ने चर्चा सुन्नमा आएको छ। यसै क्रममा अब यसको मुख्य प्रतिस्पर्धी मानिएको क्वालकमको स्न्यापड्रागन ८ एलिट २ को बारेमा विवरण सार्वजनिक भएको छ।
सेप्टेम्बरको अन्त्यमा अनावरणको लागि तय गरिएको स्न्यापड्रागन ८ एलिट २ ले अब यसको नियमित मोडेलको लागि ४.६ गिगाहर्ज र “फर ग्यालेक्सीको” हाइयर–बिन इन्टिग्रेसनमा ४.७४ गिगाहर्ज पुग्ने हल्ला रहेको छ जुन सामसङले अर्को वर्ष कम्तिमा केही ग्यालेक्सी एस२६ डिभाइसहरूमा प्रयोग गरिने छ।
एसओसीको जीपीयू १.२ गिगाहर्ज सम्मको गतिमा क्लक हुने हल्ला रहेको छ र यसको अनटुटु स्कोर सामान्य रूपमा उपलब्ध पुनरावृत्तिमा पनि (सामसङ विशेष होइन) ४ मिलियन भन्दा बढी हुने हल्ला रहेको छ।
क्वालकमले दोस्रो पुस्ताको एलिटमा आफ्नो कस्टम ओरियोन कोरहरू प्रयोग गरिरहने बताइएको छ भने एसओसी टीएसएमसीको एन३पी ३एनएम प्रोसेसमा बनाइने छ।
सीपीयूमा दुई प्राइम कोरको साथमा ६ ओटा पर्फर्मेन्स कोरहरू हुनेछन् र जीपीयूलाई एड्रेनो ८४० को रूपमा बजारमा ल्याइने जीएसएमएरिनाले रिपोर्ट गरेको छ।
प्रकाशित: ११ श्रावण २०८२, आईतवार
