अमेरिकी राष्ट्रपति ट्रम्पले पूर्व राष्ट्रपति ओबामालाई गिरफ्तार गरेको एआई–उत्पन्न भिडियो सार्वजनिक गरे

काठमाडौं ।

अमेरिकी राष्ट्रपति डोनाल्ड ट्रम्पले आफ्नो ट्रुथ सोसल प्लेटफर्ममा एक अति–यथार्थवादी र कृत्रिम बुद्धिमत्ताबाट बनाइएको भिडियो पोस्ट गरेका छन्। उक्त भिडियोमा पूर्व राष्ट्रपति बराक ओबामालाई ओभल अफिसमा एफबीआई एजेन्टहरूले पक्राउ गरेको देखाइएको छ।

सन् २०२५ को जुलाई २० तारिखमा पोस्ट गरिएको भिडियोमा “कानूनभन्दा माथि कोही पनि छैन” भन्ने क्याप्शन रहेको छे। साथै उक्त भिडियोमा यो एआई–उत्पन्न उत्पादन हो भनेर देखाउने कुनै संकेत वा चेतावनी समावेशन गरिएको हुनाले यसले कडा प्रतिक्रियाहरू निम्त्याएको उल्लेख गरिएको छ।

आलोचकहरूले भिडियोलाई अत्यधिक गैरजिम्मेवार कार्य भएको बताएका छन्। साथै उनीहरुले यसले पहिले नै ध्रुवीकृत अवधिमा गलत जानकारी फैलाउन र मिडियामा जनताको विश्वासलाई कमजोर पार्न सक्छ भनेर जोड दिएका छन्।

राष्ट्रिय खुफिया निर्देशक तुलसी ग्याबार्डले सन् २०१६ को चुनाव पछि फक्स न्यूजमा ओबामा प्रशासनका अधिकारीहरूलाई ट्रम्प र रूस बीचको सहकार्यको कथा बनावटी बनाएको आरोप लगाएको समयमा यो भिडियो रिलीज गरिएको टेलीग्राफले रिपोर्ट गरेको छ।

ग्याबार्डले उनीसँग “अचम्मित पार्ने” प्रमाण रहेको दाबी गरेकी छिन् र थप अनुसन्धानको लागि न्याय विभाग र एफबीआईलाई हस्तान्तरण गर्ने योजना रहेको बताइन्।

यसैबीच, ओबामा वा उनका कर्मचारीहरूले अहिलेसम्म एआई भिडियोको बारेमा कुनै टिप्पणी गरेका छैनन्। यसले गर्दा तनाव बढेको र सामाजिक सञ्जालमा विचारहरू विभाजित गरेको टेलीग्राफले रिपोर्ट गरेको छ।