नासाको एक्स–५९ सुपरसोनिक जेटले न्यूयोर्कबाट लन्डन अब नियमित भन्दा आधा समयमा पुर्याउने

काठमाडौं ।

“सन अफ कङ्कर्ड” भनेर चिनिने नासाको प्रयोगात्मक एक्स–५९ सुपरसोनिक जेटले आफ्नो प्रारम्भिक ट्याक्सी परीक्षण सफलतापूर्वक पूरा गरेको छ।

यसको सफल परीक्षणसँगै अब उल्लेखनीय रूपमा छोटो ट्रान्सएट्लान्टिक उडानहरूको सपना द्रुत गतिमा वास्तविकतामा पुग्न लागेको उल्लेख गरिएको छ।

जुलाई १० तारिखमा, १०० फिट लामो र ३० फिट चौडा भएको एक्स–५९ ले क्यालिफोर्नियाको पामडेलमा रहेको अमेरिकी वायुसेनाको प्लान्ट ४२ मा धावनमार्गमा आफ्नो क्षमता प्रदर्शन गरेको थियो र यो यसको विकासमा एक महत्त्वपूर्ण कोसेढुङ्गा भएको नासाले एक प्रेस विज्ञप्तिमा बताएको छ।

एक्स–५९ आकाशमा उड्नु अघि परीक्षणहरूको अन्तिम श्रृंखला मानिएको यो सफल ट्याक्सी परीक्षणहरूले सुपरसोनिक यात्राको नयाँ युगको सुरुवात गर्न सक्ने जनाएको छ।

यसले सम्भावित रूपमा न्यूयोर्क र लन्डन जस्ता प्रमुख शहरहरू बीचको उडान समय अब आधा घटाउन सक्ने सम्भावनको रहेको उल्लेख गरिएको छ। न्यूयोर्कमा ब्रेकफास्ट र लन्डनमा मध्य–बिहानको खाजाको कल्पना गर्नुहोस् ! र एक्स–५९ ले यस सम्भावनालाई वास्तविकता बनाउने लक्ष्य राखेको बताइएको छ।

ट्याक्सीङले एक्स–५९ को पहिलो उडान अघिको अन्तिम श्रृंखलाको जमिन परीक्षणलाई प्रतिनिधित्व गर्ने अन्तरिक्ष एजेन्सीले बताएको छ। आगामी हप्ताहरूमा, विमानले बिस्तारै आफ्नो गति बढाउने र जसले गर्दा उच्च–गतिको ट्याक्सी परीक्षण हुने बताइएको छ।

कम–गतिको परीक्षणको क्रममा, इन्जिनियरहरू र उडान टोलीहरूले एक्स–५९ ले रनवे पार गर्दा कसरी ह्यान्डल गर्यो भनेर निगरानी गर्दै उनीहरुले स्टेयरिङ र ब्रेकिङ जस्ता महत्वपूर्ण प्रणालीहरूलाई प्रमाणित गर्न काम गरेको बताइएको छ।

यी जाँचहरूले विभिन्न अवस्थाहरूमा विमानको स्थिरता र नियन्त्रण सुनिश्चित गर्न मद्दत गर्दछ भने यसले पाइलटहरू र इन्जिनियरहरूलाई सबै प्रणालीहरू अपेक्षाकृत रूपमा काम गरिरहेका छन् भन्ने विश्वास दिलाउने उल्लेख गरिएको छ।

नासाको क्वेस्ट मिसनको केन्द्रबिन्दु रहेको एक्स–५९ ले ठूलो सोनिक बूमलाई शान्त “थम्प” मा घटाएर शान्त सुपरसोनिक उडान प्रदर्शन गर्ने लक्ष्य राखेको बताइएको छ।

एक्स–५९ बाट सङ्कलन गरिएको डाटा सुपरसोनिक व्यावसायिक उडानसँग सम्बन्धित नयाँ, डाटा–संचालित स्वीकार्य नोइज थ्रेसहोल्ड स्थापना गरेर सूचित गर्नको लागि अमेरिकी र अन्तर्राष्ट्रिय नियामकहरूसँग साझा गरिने एनडीटिभीले रिपोर्ट गरेको छ।