दोस्रो त्रैमासिकमा विश्वव्यापी स्मार्टफोन ढुवानीमा मामूली वृद्धि, सामसङको अग्रता कायम

काठमाडौं ।

इन्टरनेसनल डाटा कर्पोरेशन (आईडीसी) को पछिल्लो प्रतिवेदनले अप्रिल–जुन (दोस्रो त्रैमासिक) अवधिमा विश्वव्यापी स्मार्टफोन ढुवानीको लागि १ प्रतिशत मामूली वृद्धि देखाएको छ।

यो परम्परागत रूपमा स्मार्टफोन निर्माताहरूको लागि सबैभन्दा कठिन अवधिहरू मध्ये एक भएको र धेरै समष्टिगत आर्थिक कारकहरूले विश्वव्यापी मागलाई असर गरेको बताइएको छ। आर्थिक अनिश्चितता, ट्यारिफ अस्थिरता, विदेशी मुद्रा अस्थिरता, बेरोजगारी र मुद्रास्फीति, चीनमा कमजोर मागसँगै सबैले समतल वृद्धिमा योगदान पुर्याएको उल्लेख गरिएको छ।

सामसङले अनुमानित ५ करोड ८० लाख ढुवानी र १९.७ प्रतिशत बजार हिस्साको साथ अग्रता लिएको छ। हालै लन्च गरिएका नयाँ ग्यालेक्सी ए३६ र ग्यालेक्सी ए५६ मोडेलहरू ब्राण्डको लागि प्रमुख वृद्धि चालक बनेको उल्लेख गरिएको छ।

एप्पल अनुमानित ४ करोड ६४ लाख ढुवानी र १५.७ प्रतिशत बजार हिस्साको साथ दोस्रो स्थानमा आएको छ। ६१८ ई–वाणिज्य महोत्सवमा चीनमा अग्रणी ब्राण्ड भए पनि क्युपर्टिनोले उदीयमान बजारहरूमा दोहोरो अंकको वृद्धि देखेको र चीनको बिक्रीमा भने १ प्रतिशत गिरावटको अनुभव गरेको छ।

४२.५ मिलियन ढुवानी र १४.४ प्रतिशत बजार हिस्साका साथ शाओमी विश्वव्यापी मञ्चमा तेस्रो अग्रणी ब्राण्ड बनेको छ जसले वर्षिक रुपमा ०.६ प्रतिशतको शुद्ध परिवर्तनमा योगदान पुर्याएको उल्लेख छ।

भिभो २७.१ मिलियन ढुवानी र ९.२ प्रतिशत बजार हिस्साका साथ चौथो स्थानमा रहेको छ भने ट्रान्ससन (इन्फिनिक्स, टेक्नो, आइटेल) २५.१ मिलियन त्रैमासिक ढुवानी र ८.५ प्रतिशत बजार हिस्साका साथ पाँचौं स्थानमा रहेको छ।

चलिरहेको आर्थिक कठिनाइ र अनिश्चितताहरूको बावजुद, विश्वव्यापी ढुवानीमा भएको सकारात्मक वृद्धिले आगामी महिनाहरूमा विश्वव्यापी स्मार्टफोन बजार वृद्धिको लागि तयार रहेको संकेत गरेको जीएसएमएरिनाले उल्लेख गरेको छ।