सामसङ ग्यालेक्सी जेड फ्लिप ७ एफईले डेब्यू गर्यो, यस्ता छन् विशेषता

Technology Khabar २७ असार २०८२, शुक्रबार

काठमाडौं ।

सामसङले आफ्नो अनप्याक्ड शोमा फ्ल्यागशिप ग्यालेक्सी जेड फोल्ड ७ सँगसँगै दुई नयाँ क्ल्यामशेल फोल्डेबलहरू आधिकारिक रूपमा अनावरण गरेको छ। ग्यालेक्सी जेड फ्लिप ७ एफई सामसङको आफ्नो प्रकारको पहिलो मूल्य–केन्द्रित फ्लिप फोन भएको बताइएको छ।

सामसङ ग्यालेक्सी जेड फ्लिप ७ एफईः
सामसङको लोकप्रिय फ्यान संस्करण सिरिज अझ किफायती मूल्य ट्यागको साथ अत्याधुनिक प्रविधिसहित अन्ततः फोल्डेबलहरूमा समावेश भएको छ। सामसङको ग्यालेक्सी जेड फ्लिप ७ एफई अब जेड फ्लिप परिवारको नयाँ सदस्य बनेको छ। यो फोल्ड गर्दा १४.९ एमएम मापन गर्दछ भने अनफोल्ड गर्दा (खोल्दा) ६.९ एमएम मापन गर्दछ। साथै डिभाइसको तौल १८७ ग्राम रहेको र सुरक्षाको लागि आईपी४८ रेटिङ्ग पनि प्राप्त गरेको बताइएको छ।

जेड फ्लिप ६ जस्तै, एफई मोडेलमा एफएचडी+ रिजोल्युसन र १२० हर्ज रिफ्रेस रेट भएको ६.७ इन्चको डायनामिक एएमओएलईडी २एक्स इन्फिनिटी फ्लेक्स मुख्य डिस्प्लेको साथमा ६०हर्ज रिफ्रेस रेट र कोर्निङ गोरिल्ला ग्लास भिक्टस २ सहितको ३.४ इन्चको एचडी सुपर एएमओएलईडी कभर प्यानल रहेको छ।

सामसङले ग्यालेक्सी जेड फ्लिप ७ एफईमा पुरानो एक्सिनोस २४०० एसओसी समावेश गरेको छ। डिभाइसमा २५वाट वायर्ड फास्ट चार्जिङ र १५ वाट वायरलेस चार्जिङलाई समर्थन गर्ने ४,०००एमएएचको ब्याट्री प्याक रहेको छ। नियमित जेड फ्लिप ७ र एफई भेरियन्ट बीचको क्यामरा प्रणाली समान रहेको छ। डिभाइसको पछाडिको भागमा ५० मेगापिक्सेलको मुख्य क्यामरा (ओआईएस, एफ÷१.८, १.०μm) छ जुन १२ मेगापिक्सेलको अल्ट्रा वाइड एङ्गल लेन्स (एफ÷२.२, १.१२μm) सँग जोडिएको छ। अगाडिको भागमा १० मेगापिक्सेलङ्गो सेल्फी शूटर (एफ२.२, १.१२μm) समावेश गरिएको छ। अन्य उल्लेखनीय सुविधाहरूमा डोल्बी एटमोस, एनएफसी, वाईफाई ६ई, ब्लुटुथ ५.३ र ग्यालेक्सी एआई सहितको स्टेरियो स्पिकरहरू समावेश गरिएका छन्।

मूल्य निर्धारण र उपलब्धताः
ग्यालेक्सी जेड फ्लिप ७ एफई कालो र सेतो रङ्ग विकल्पहरूमा घोषणा गरिएको छ। ब्रान्डले ग्यालेक्सी जेड फ्लिप ७ को लागि प्रि–अर्डर सुरु गरिसकेको छ र जुलाई २५ तारिखमा पहिलो बिक्री सुरु गरिने गीज्मोचाइनाले उल्लेख गरेको छ।

ग्यालेक्सी जेड फ्लिप ७ एफईको विश्वव्यापी मूल्य निर्धारणः

  • ८जीबी + २५६जीबी – ८९९.९९ अमेरिकी डलर
  • ८जीबी + ५१२जीबी – ९५९.९९ अमेरिकी डलर

ग्यालेक्सी जेड फ्लिप ७ एफई को भारतीय मूल्यः

  • १२जीबी + २५६जीबी – ८९,९९९ भारतीय रुपैयाँ (लगभग १,०५० अमेरिकी डलर)
  • १२जीबी + ५१२जीबी – ९५,९९९ भारतीय रुपैयाँ (लगभग १,१२० अमेरिकी डलर)

प्रकाशित: २७ असार २०८२, शुक्रबार

तपाइको प्रतिक्रिया