Technology Khabar २६ असार २०८२, बिहीबार
काठमाडौं ।
सामसङको ब्रुकलिनमा आयोजित ग्रीष्मकालीन अनप्याक्ड शोमा फोल्डेबल फोनहरूको साथमा कम्पनीले नयाँ वेयरेबल्सहरू पनि सार्वजनिक गरेको छ। कम्पनीले आफ्नो अनप्याक्ड शोमा ग्यालेक्सी वाच ८, वाच ८ क्लासिक र टाइटेनियम ब्लूमा अपडेट गरिएको ग्यालेक्सी वाच अल्ट्रा गरी तीन नयाँ वेयरेबल्सहरू प्रस्तुत गरेको छ। प्रत्येक डिभाइसमा तिव्र चिप, उज्यालो स्क्रिनहरू र केही नयाँ स्वास्थ्य सुविधाहरू प्याक गरिएको उल्लेख छ।
नियमित ग्यालेक्सी वाच ८ अब ४० एमएम र ४४ एमएम को आकारहरु (ग्राफाइटर वा सिल्भर) मा आएको उल्लेख गरिएको छ। साथै ८.६ एमएममा सामसङको अहिलेसम्मकै सबैभन्दा पातलो घडी भएको बताइएको छ। सुपर एएमओएलईडी प्यानलहरूमा ३,००० निट्स माथिको चमक रहेका छन् जसले गर्दा तिनीहरूलाई अब प्रत्यक्ष घामको प्रकाशमा पनि पढ्न सजिलो हुनेछ। वाच ८ क्लासिकले आफ्नो फ्यानहरूलाई मनपर्ने रोटेटिङ बेजेल, ४६ एमएम सम्मको स्टेप अप र स्टोरेजलाई ६४ जीबीमा बढाएर दोब्बर बनाएको उल्लेख गरिएको छ।
तीनवटै मोडेलहरूले सामसङको नयाँ ३–एनएम एक्सिनोस डब्ल्यू१००० प्रोसेसर, २ जीबीको र्याम र वान यूआई ८ वाचसहितको वेयर ओएस ६ समावेश गरेका छन्।
नयाँ हेल्थ (स्वास्थ्य) सेन्सर्स र कोचिङ टुल्सहरूः
सामसङको अपग्रेड गरिएको बायोएक्टिभ सेन्सरले दुई हेडलाइन मापनहरू थप गरेको छः
एन्टिअक्सिडेन्ट इन्डेक्स – डायटेरी हेल्थ (आहार स्वास्थ्य) को स्न्यापसट प्रदान गर्नको लागि लगभग पाँच सेकेन्डमा क्यारोटिनोइड स्तरहरू जाँच गर्दछ।
भास्कुलर लोड – कडा कसरत वा तनावपूर्ण दिन पछि तपाईंको हृदय प्रणाली कति तनावमा छ भनेर मापन गर्दछ।
धावकहरूका लागि, एक परिमार्जित रनिङकोचले अब रियल–टाइम पेसिङ क्यूज (वास्तविक समय गति संकेतहरू) र दौड पछिको फर्म (अवस्था) विश्लेषण प्रदान गर्दछ भने बेडटाइम गाइडेन्सले निद्रा चरणहरू र घुर्ने ढाँचाहरूको मोनिटरिङ गर्दछ। त्यसैगरी प्रत्येक बिहान देखिने सिङ्गल इनर्जी स्कोरले गतिविधि, आराम, र मुटुको दर परिवर्तनशीलतालाई पहिलो नम्बरमा रोल गर्नेछ।
एआई र अन्य सुधारहरूः
गुगलको जेमिनी वेयर ओएस ६ मा बेक्ड गरिएको हुनाले अब वर्कआउट (कसरत) सुरु गर्न, सन्देशको जवाफ दिन वा भोलिको क्यालेन्डर क्विक भ्वाइस प्रम्प्टको साथ जाँच गर्न सकिने र यदि फोन कोठाभित्र रहेको खण्डमा थप उपयोगी हुने बताइएको छ।
अल्ट्रा मोडेलमा बोर्डभरि तिव्र वायरलेस चार्जिङ्गको साथ ब्याट्री क्षमताहरू ३२५एमएएच (४०एमएम) देखि ५९०एमएएच सम्मको रहेका छन्। सबै मोडेलहरूले राम्रो सटिकताको लागि आईपी६८ र ५एटीएम रेटिङहरू र डुअल–फ्रिक्वेन्सी जीपीएस समावेस गरेका छन्।
मूल्य निर्धारण र उपलब्धताः
सामसङ डट कममा अब प्रि–अर्डरहरू खुला गरिएका छन् र खुद्रा बिक्री २०२५ को जुलाई २५ तारिखदेखि सुरु हुने गीज्मोचाइनाले उल्लेख गरेको छ।
प्रकाशित: २६ असार २०८२, बिहीबार
