Technology Khabar २१ असार २०८२, शनिबार
काठमाडौं ।
भुक्तानी प्रणाली सञ्चालक संस्था स्मार्टच्वाइस टेक्नोलोजिज लिमिटेड एससीटी (एससीटी) ले नेपालमा १२० प्लस शाखा रहेको चेन स्टोर बिगमार्टमा एससीटी- युपिआई कार्ड प्रयोगकर्ताहरूका लागि स्मार्ट जुलाई अफर ल्याएको छ।
जुलाई १, २०२५ देखि सुरु भएको यस अफर अन्तर्गत ग्राहकहरूले बिगमार्टमा एससीटी-युपिआई कार्डबाट भुक्तानी गर्दा एकपटकमा १० प्रतिशत, अधिकतम रु १०० हुने गरी छुट प्राप्त गर्नेछन्। यो छुट पाउन एससीटी-युपिआई कार्ड प्रयोग गरी पोस मेसिन मार्फतनै भुक्तानी गर्नु पर्ने बताईएको छ।
यो अफर जुलाई ३१, २०२५ सम्म बिगमार्टको सम्पूर्ण शाखामा लागु हुने उल्लेख छ।
एससीटीले यस अघि बिगमार्टमै एससीटी स्मार्ट वेडनसडे अफर दिँदै आएको थियो जसमा एससीटी-युपिआई कार्ड प्रयोगकर्ताहरूलाई हरेक बुधबार एससीटी-युपिआई कार्डबाट भुक्तानी गर्दा १० प्रतिशत छुट पाइने थियो। सो अफर अगस्टको पहिलो बुधबार देखि पूर्ण सुचारु हुने कम्पनीले जनाएको छ।
प्रकाशित: २१ असार २०८२, शनिबार
