Technology Khabar २१ असार २०८२, शनिबार
काठमाडौं ।
अनरले आफ्नो पछिल्लो फोल्डेबल फोन ‘म्याजिक भी५’ चीनमा लन्च गरेको छ। अति पातलो र हलुका डिजाइन रहेको यो मोडेलले फोल्डेबल फोन उद्योगमा नयाँ मानक स्थापित गरेको छ।
हाल चीनमा उपलब्ध अनर म्याजिक भी५ को सुरुवाती मूल्य ८,९९९ युआन (लगभग १,०६५ यूरो) रहेको छ। त्यसैगरी यो फोल्डेबल फोन चाँडै नै अन्तर्राष्ट्रिय रुपमा रिलीज हुने अपेक्षा गरिएको छ।
मुख्य स्पेसिफिकेसनहरूः
स्लिम र लाइटवेट डिजाइनः म्याजिक भी५ को मोटाई केवल ८.८ एमएम र तौल २१७ ग्राम रहेका छ जसले गर्दा यो संसारको सबैभन्दा पातलो र हलुका फोल्डेबल फोन बनाएको छ।
लार्ज, स्मुथ डिस्प्लेः डिभाइसमा इन्टर्नल डिस्प्ले ७.९५–इन्च एलटीपीओ ओएलईडी समावेश गरिएको छ भने यसको पिक ब्राइटनेस ५,००० निट्स र रिफ्रेस रेट १२० हर्ज रहेको छ। त्यसैगरी फोल्डेबलमा उच्च ब्राइटनेस र फास्ट रिफ्रेस रेटको साथ ६.४३ इन्चको एक्स्टर्नल डिस्प्ले पनि रहेको छ।
एडभान्स्ड क्यामराः म्याजिक भी५ मा ट्रिपल क्यामरा प्रणाली छ जसमा ५० मेगापिक्सेलको मुख्य सेन्सर, ५० मेगापिक्सेलको अल्ट्रा–वाइड क्यामरा र अप्टिकल जुमको साथ ६४ मेगापिक्सेलको टेलिफोटो लेन्स समावेश गरिएका छन्। साथै डिभाइसमा सेल्फी र भिडियो कलहरूको लागि दुईओटा २० मेगापिक्सेलको फ्रन्ट क्यामराहरू पनि समावेश गरिएका छन्।
प्रतिस्पर्धासँगको तुलनाः ८.८ एमएम थिकनेस (मोटाई) भएको म्याजिक भी५ ओप्पो फाइन्ड एन५ (८.९ एमएम) भन्दा पातलो भएको बताइएको छ। साथै फोल्डेबल फोनलाई खोल्दा यसको मोटाई ४.१ एमएम हुने बताइएको छ र जसले यसलाई बजारमा पाइने सबैभन्दा पातलो फोल्डेबल फोनहरू मध्ये एक बनाएको टेलिग्राफले रिपोर्ट गरेको छ।
प्रकाशित: २१ असार २०८२, शनिबार
