नथिङ फोन (३) ग्लिफ म्याट्रिक्स, स्न्यापड्रागन ८एस जेन ४ र ५,१५०एमएएच ब्याट्रीको साथ सार्वजनिक

काठमाडौं ।

महिनौंको लीक र अनुमानहरु पछि नथिङ फोन (३) अन्ततः आधिकारिक रुपमा लन्च भएको छ। यस वर्षको सबैभन्दा प्रतिक्षित फोनहरू मध्ये एक नथिङ फोन (३) ले धेरै पुस्तागत स्पेक्स अपग्रेडहरूसँगै बोल्ड रिडिजाइन ल्याएको छ। ग्लिफ इन्टरफेस अब ग्लिफ म्याट्रिक्समा विकसित भएको छ र फोनको पछाडिको माथिल्लो दायाँ कुनामा मोनोक्रोम एलईडी डिस्प्ले समावेश गरिएको छ।

४८९ ओटा व्यक्तिगत रूपमा लिट हुने (बल्ने) एलईडीहरूको साथ यसले नोटिफिकेसन (सूचना) हरू र उपयोगिताहरूको नयाँ आयाम प्रस्तुत गरेको छ। डट–म्याट्रिक्स शैलीको स्क्रिनले कलर आईडी, एप–स्पेसिफिक मेसेजहरू, एनिमेसनहरू र सिस्टम स्ट्याटस इन्फो (प्रणाली स्थिति जानकारी) जस्ता इाकमिङ नोटिफिकेसन (आगमन सूचना) हरू देखाउने छ।

त्यसैगरी नथिङसँग सामान्य जस्तै भइसकेको कन्ट्याक्टस् र वाच फेसेजहरूमा कस्टम आइकनहरू तोक्ने क्षमताको साथ कस्टमाइजेसन इलिमेण्ट उपलब्ध गराइएको छ।

नथिङले गिमिक्स “माइक्रो–एक्सपिरियन्स” को सेटमा ग्लिफ मिरर, सोलार क्लक, स्टपवाच, ब्याट्री इन्डिकेटर जस्ता ग्लिफ टोयज ल्याएको छ भने स्पिन द बोटल खेलहरू पनि समावेश गरेको छ। साथै समर्पित ग्लिफ बटन मार्फत ग्लिफ म्याट्रिक्समा विभिन्न मोडहरू बीच टगल गर्न सकिने थप उल्लेख गरिएको छ।

नथिङ फोन (३) को पछाडिको एसिमेट्रिकल लेआउटको कारण यो पहिलेका नथिङ फोनहरू भन्दा अझ बढी ध्रुवीकरण भएको देखिन्छ। फोनको पछाडि तीनओटा (ट्रियो ) ५० मेगापिक्सेलको क्यामराहरू समावेश गरिएका छन् जसलाई ओआईएस सहितको १/१.३” मुख्य सेन्सरले समर्थन गर्दछ।

त्यसका साथै नथिङले ३x अप्टिकल जुम र टेलिम्याक्रो क्षमताहरू सहितको ७० एमएम बराबरको ५० मेगापिक्सेलको पेरिस्कोप (१/२.७५” सेन्सर) पनि समावेश गरेको छ जसले १० सिएम टाढाबाट वस्तुहरू खिच्न अनुमति दिनेछ। डिभाइसमा तेस्रो शूटरको रुपमा ११४˚ ५० मेगापिक्सेल अल्ट्रावाइड लेन्स रहेको छ।

फोन (३) मा एफएचडी+ रिजोल्युसन र १२० हर्ज एड्याप्टिभ रिफ्रेस रेटको साथ ६.६७ इन्चको एएमओएलईडी डिस्प्ले समावेश गरिएको छ। प्यानलले ४,५०० निट्सको अधिकतम लोकल ब्राइटनेस प्रदान गर्दछ भने यो फ्लिकर–मुक्त अनुभवको लागि एकसमान डिस्प्ले बेजेल्स र २१६० पीडब्ल्यूएम डिमिङसँग पेयर्ड गरिएको छ। डिभाइसमा ५० मेगापिक्सेलको सेल्फी क्यामर र एम्बेडेड फिङ्गरप्रिन्ट स्क्यानर पनि समावेश गरिएको छ।

नथिङले डिभाइसमा क्वालकमको स्न्यापड्रागन ८एस जेन ४ चिपसेटसँग १२/१६ जीबी र्याम र २५६/५१२ जीबी स्टोरेज समावेश गरेको छ। फोन (३) मा ६५ वाटको वायर्ड र १५ वाटको वायरलेस चार्जिङको साथ ५,१५० एमएएच सिलिकन–कार्बन ब्याट्री प्याक उपलबध गराएको छ। यसले आईपी६८ इन्ग्रेस सुरक्षा पनि ल्याएको छ जुन ब्रान्डको लागि पहिलो भएको उल्लेख गरिएको छ।

डिभाइसको सफ्टवेयर पक्षतर्फ एन्ड्रोइड १५ मा आधारित नथिङ ओएस ३.५ द्वारा कभर गरिएको छ। साथै एन्ड्रोइड १६ मा आधारित ओएस ४.० अपडेट यस त्रैमासिक पछि आउँदैछ भनी नथिङले पुष्टि गरेको छ। यस बाहेक नथिङले ५ वर्षको एन्ड्रोइड अपडेट र ७ वर्षको सुरक्षा प्याच उपलब्ध गराउने बताएको छ।

नथिङ फोन (३) कालो र सेतो रङ्गमा विकल्पमा आउने बताइएको छ। डिभाइसको १२/२५६ जीबी संस्करण ७९९ अमेरिकी डलर/७९९ यूरो/७९९ पाउन्ड स्टर्लिंग/७९,९९९ भारतीय रुपैयाँमा बिक्री गरिने बताइएको छ भने १६/५१२ जीबी मोडेल ८९९ अमेरिकी डलर/८९९ यूरो/८९९ पाउन्ड स्टर्लिंग/८९,९९९ भारतीय रुपैयाँमा बिक्री हुनेछ।

नथिङ फोन (३) को पूर्व–अर्डरहरू जुलाई ४ तारिखदेखि सुरु हुनेछ भने डिभाइसको पहिलो बिक्री जुलाई १५ तारिखको लागि निर्धारित गरिएको छ। यो डिभाइस नथिङ डट टेक र साझेदार खुद्रा विक्रेताहरूबाट उपलब्ध हुने जीएसएमएरिनाले रिपोर्ट गरेको छ।