दुबईले गर्यो एयर ट्याक्सीको पहिलो सफल परीक्षण

काठमाडौं ।

दुबई ट्राफिकबाट बच्नको लागि विद्युतीय एयर ट्याक्सी प्रयोग गर्ने दिशामा द्रुत गतिमा अघि बढिरहेको छ।

जोबी एभिएसनले सन् २०२६ को लागि लक्षित व्यावसायिक लन्चतर्फ महत्त्वपूर्ण कदम चाल्दै एमिरेट्समा आफ्नो भख्त्इी एयर ट्याक्सीको पहिलो परीक्षण उडान गरेको छ।

यी एयर ट्याक्सीहरूले ३२० किलोमिटर प्रतिघण्टाको गतिमा १६० किलोमिटरसम्म यात्रा गर्न सक्ने बताइएको छ। साथै यी एयर ट्याक्सीहरूले दुबई अन्तर्राष्ट्रिय विमानस्थलबाट पाम जुमेराहसम्मको यात्रा समयलाई उल्लेखनीय रूपमा घटाउने वाचा गरेको र केवल १२ मिनेट समय लाग्ने रिपोर्ट गरिएको छ।

एयर ट्याक्सीहरूको प्रारम्भिक मूल्यहरू बढी हुने भए तापनि मुख्यतया उच्च आय भएका यात्रुहरूलाई लक्षित गरिने बताइएको छ र त्यसपछि तिनीहरूलाई सबैका लागि किफायती बनाउने लक्ष्य रहेको उल्लेख गरिएको छ।

त्यसैगरी ट्याक्सीहरू पूर्ण रूपमा विद्युतीय र उत्सर्जन–रहित भएकाले यो परियोजना वातावरणमैत्री हुनेछ।

यद्यपि, यी शहरी उडानहरूको लागि नियामक स्वीकृति र आवश्यक पूर्वाधार निर्माणको लागि महत्त्वपूर्ण चुनौतीहरू बाँकी नै रहेको छन् भनी टेलीग्राफले रिपोर्ट गरेको छ।